Header Ads

  • Berita Tebaru

    Kubu Emma deka nyadi muzium nyerumba taun 2020

    Kubu Emma

    KANOWIT: Kubu Emma ke besejarah digaga dalam taun 1851 di Jalai Kubu ditu deka nyadi Muzium Warisan datai ba taun 2020.

    Kaban Parlimen Kanowit Datuk Aaron Ago Dagang madahka kereja konservasi udah berengkah bulan nyin tadi lalu disadang tembu manggai ba bulan Februari 2020.

    Ku iya, kereja konservasi nyengkaum ngaga ubah ba luar bangunan, meintegrasika nya enggau Tebing Sungai Kanowit enggau ngaga dinding pengenan di tebing sungai ke tusur.

    Ungkus kereja konservasi ke nerima servis lalau ari orang ke landik ba pengawa konservasi bangunan sejarah Malaysia Prof Dr A. Ghafar Ahmad ari Universiti Sains Malaysia nya sepenyampau RM5 juta ke diberi Perintah Negeri Sarawak.

    “Muzium Pesaka Asal nya deka nyadi pematak temuai ke beguna amat di pelilih  Kanowit nya,” ku iya ba Pengerami Nyerahka Palan Projek  Ngintu sereta Ngangkatmanah ti dipejalaika Opis Kereja Raya Sarawak ngagai kontraktor, Crest Realty Sdn Bhd ditu kemari. #Bernama

    No comments

    Post Top Ad