Kuching ngerikod pemadu mayuh kes HFMD naka Ogos - Berita Iban Online

Header Ads

  • Baru Nyadi

    Kuching ngerikod pemadu mayuh kes HFMD naka Ogos

    GAMBAR PENGIAS: Penyakit Jari, Kaki enggau Nyawa (HFMD). 

    SIBU: Ungkup timpuh 1 Januari nyentuk 11 Ogos 2018, kira chara kumulatif urung  5,986 kes enggau siti pemati diripot ketegal Penyakit Jari, Kaki enggau Nyawa (HFMD). 

    Pengarah Kesihatan Negeri Dr Jamilah Hashim madah bagi menua Kuching ngerikod kes pemadu mayuh iya nya 1,362 kes ditangkan Miri (921), Mukah (914), Sibu (778), Bintulu (450), Samarahan (324), Serian (278), Limbang (215), Betong (195), Sri Aman (186), Sarikei (189) enggau Kapit 174 kes. 

    Ku iya, penyampau kes dirampit penyakit HFMD ke diripot ungkup taun 2017, ungkup timpuh sebaka iya nya 6,731 kes enggau penyampau semua kes diripot sepanjai taun 2017 iya nya 7,229 kes. 

    “Sepanjai timpuh 1 Januari nyentuk 11 Ogos 2018, urung 37 premis nyengkuam 11 taska, 23 tadika/pra-sekula enggau sekeda kelas ari tiga  buah sekula udah diasuh tutup ketegal rampit igi penyakit HFMD. 

    “Bisi 19 institusyen ba bagi menua Miri mega tutup ba Limbang (6), Betong (5), Samarahan (4), Mukah (3) enggau Bintulu (1) ketegal penyakit nya,” ku iya nengah sebengkah penerang kemari. 

    Ngelansa pasal FMD ba Sibu Dr Jamilah mega madah tren penyadi kena rampit HFMD ba  bagi menua tu mandangka bisi niki kenyau 8 Julai tu tadi iya nya Minggu ke-28 lalu bisi 73 kes bisi diripot dibanding minggu dulu ari nya 29 tauka niki urung 151.7 peratus. 
    Dr Jamilah madah, nitih kira chara kumulatif mega dalam timpuh 1 Januari nyentuk 11 Ogos urung 773 kes dirampit HFMD diripot ba bagi menua tu. 

    Ku iyam ari penyampau nya, raban anak mit pemadu mayuh kena rampit HFMD iya nya sida ke dibaruh umur tiga taun iya nya  462 kes atau 59.4 peratus. 

    Nya alai, iya nangkan bala apai indai ngambika meresi jari anak lebih agi sebedau sida makai dikena  nyeliahka penyakit  ngerampit nengah mata, mulut enggau idung pengudah negu sebarang endur palan tauka perengka ke udah diguna mensia mayuh. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads