Header Ads

  • Berita Tebaru

    Nama kebuah tauka motif Fitri deka munuh niang Bill Kayong?

    Davy Kayong

    MIRI: Taja pan udah puas hati enggau pemutus ari Mahkamah Tinggi Miri kemari sentang orang ke dituduh munuh Ex Aktivis Rama Bill Kayong, tang bala ke sepintu bilik enggau iya (keluarga) Bill Kayong deka nemu nama kebuah tauka motif orang ke dituduh (Fitri) munuh niang Bill Kayong

    Menyadi Bill Kayong, Davy Kayong madah, sida sebilik agi bisi tanda tanya sentang motif tauka nama kebuah Fitri sanggup munuh niang enggau ngereja pengawa ti salah nya. 

    “Ba penemu kami sepintu bilik, nadai kebuah tauka motif Fitri (tetuduh) deka munuh menyadi aku laban menyadi aku enda ngelala Fitri enggau iya (niang Bill Kayong) mega ukai orang ti tebilang.

    “Kami semina deka nemu nama kebuah iya munuh niang?. Nama utai ti ngasuh Fitri (tetuduh) sanggup munuh menyadi aku?,” ku iya maya ke ditemu pengarang berita di luar mahkamah kemari.

    Davy mega ngelansa, kami sepintu bilik agi bedau puas hati laban tiga iku agi suspek bedau kena tangkap tauka lepas.

    “Kami diatu agi ngiga jalai deka becharaka tiga iku orang tetuduh nya,” ku iya.

    Kelimpah ari nya, ba pekara ukum ke diterima tetuduh, Davy madahka bala sida iya sepintu bilik puas ati enggau ukum ke dibacha tauka diberi mahkamah nya.

    “Enti diberi pemendar, kami sepintu bilik enggau kami diri menyadi deka meda maya ukum nya dipejalaika. 

    “Kami deka minta pemendar sereta ngulihka permit deka meda maya ukum dipejalaika enti nyema diberi pemendar,” ku iya.

    Urung penyampau lebih 100 iku orang ari bala ke sepintu bilik enggau penyokong niang Bill Kayong ke bisi datai di mahkamah kemari, ngambika ulih ninga pemutus ke digaga mahkamah sentang kes munuh nya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: