"Nasib manah uchu aku nadai meda televisyen dia," ku Sahariman - Berita Iban Online

Header Ads

  • Baru Nyadi

    "Nasib manah uchu aku nadai meda televisyen dia," ku Sahariman

    Gambar dipalan penusah kenyadi.

    KUCHING: “Enti nyema uchu aku agi meda televisyen, engka bisi napi penusah ti besai kami sebilik,” ku Sahariman Jumpot, orang ke ngempu rumah ke dilantak kereta lemai kemari di Kampung Segedup, Batu Kawa, ditu.

    Sahariman, 52 taun, madahka sebedau penusah kenyadi urung jam 4 lemai nya, uchu iya ke benama Haikal Fauzi, 11 taun, benung meda televisyen ba endur ke di lantak kereta Honda CRV nya.

    Ku iya, uchu iya ninting lemai meda televisyen dia sepengudah pulai iya ari sekula.

    “Puji Tuhan, iya udah pansut maya nya. Sebedau nya, uchu aku bisi ngirum ai ba mua televisyen enggau gelas ai ke dikena iya ngirup ai pan agi bisi dia maya penusah kenyadi,” ku iya.

    Sahariman madah, maya nya aku iya benung tinduk ba bilik pangking ke berimbai enggau endur meda televisyen nya.

    “Aku dani kenyap sepengudah ninga bunyi degum enggau rumah pan nyau berenyang. Maya nya mega, jari aku kena sepul konkrit dinding bilik pangking aku ia ti udah pecah.
    “Laban ke enda nemu utai kenyadi, aku pan pansut sereta berasai ka luput pengudah meda sebuah kereta bisi ba dalam rumah aku,” ku iya.

    Orang ke ngempu rumah nya ke gawa ba Opis Ai Kuching madah, sepengudah nemu rumah iya dilantak kereta nya, iya lalu ngiga uchu iya laban irauka uchu iya kena sepit di baruh dinding ke runtuh.

    “Aku berasai lantang ati uchu aku nadai ba dia enggau aku lalu ngiga bini enggau bala anak aku kebukai. Nasib manah maya aku ngiga bini aku, lalu tepedaka anak lelaki aku benung bisi ba dapur tang anak indu aku benung belajar deriba kereta tang dua iku agi benung di sekula,” ku iya.

    Ku iya, semua ungkus pengerugi penyampau RM150,000 temasuk rega  televisyen enggau set karaoke ke udah rusak.

    Berebak enggau nya, Ketuai Opis Tasat enggau Penguasa Trafik Sarawak, Superintendan Alexson Naga Chabu madah, siku indu ke beumur  53 taun nya terindik tauka nekan 'pedal' minyak, maya iya benung deka beputar (pusingan U) di mua rumah nya.

    Ku iya, siku indu ke deriba kereta enggau semua orang ke diau ba rumah nya selamat tauka nadai bakal.

    Kes dipansik ari baruh "RULE 10 LN166/59 Kaedah Lalu Lintas untuk kes kemalangan jalan raya yang tidak membabitkan kecederaan atau kematian".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads