Header Ads

  • Berita Tebaru

    Orang tuai pan sanggup kita rumpak

    PALAN PENUSAH NYADI: Saspek benung ngerumpak mansa. 📷@bharian

    JOHOR BAHRU: Siti video CCTV pandak pengelama 33 saat ngiarka pengawa ti nadai ati perut dua iku lelaki ngerumpak siku orang tuai (warga emas) ke benung bejalai kediri ba Sri Orkid, Skudai, dipechayaka nyadi kemari.

    Penusah nyadi diiyarka siku orang kena media social Facebook (FB) sepengudah dua lelaki ke ngena motosikal ngerumpak orang tuai nya.

    Nitihka video pandak ari CCTV nya, mansa benung bejalai kaki enggau megai payung dua iku lelaki enda dikelala mansang semak ngagai mansa.

    Siku ari lelaki nya ngambi utai ari kuchik tanchut mansa, tang siku agi ngena topi kelida enggau benung nganti ba motosikal besemak palan penusah nyadi.

    Enda lama pengudahnya seduai iya beperekuhka pangan diri lalu ngejung ke orang tuai nya labuh sereta nyauka tegali. 
    Video nya diiyarka orang ke ngempu akaun FB Wawa Chong enggau nulis ngena jaku cina 'kes samun warga emas di Seri Orkid, Skudai Johor'.

    Bisi sekeda orang ke meri komen madah 'Orang tuai pan ka dirumpak. Nama mih penyadi'.

    Berebak enggau nya, Sapit Ketuai Polis Pampang Iskandar Puteri (Operasyen), Superintendan Ismail Dollah, maya ke ditanya pengarang berita madahka kes rumpak nya nyadi ba siku orang tuai beumur 78 taun, urung jam 4 lemai kemari.

    "Maya penusah nyadi mansa benung bejalai kaki ke rumah iya ba Jalai Seri Orkid 19 enggau 20, Taman Seri Orkid.

    "Dua saspek ngena motosikal enggau penumpang nurun sebedau ngebuk kuchik mansa lalu nabanka mata duit RM300.

    "Mansa belibat enggau lelaki nya (saspek), iya dijukka saspek ngejung ke iya labuh sereta bakal ba jari kanan enggau kaki kanan," ku iya.

    Ku iya, mansa ngaga ripot polis ba Balai Polis Mutiara Rini urung jam 12.12 tengah malam tadi.

    Kes dipansik ari baruh Seksyen 394 Kanun Keseksaan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: