Header Ads

  • Berita Tebaru

    PAIS meri terima kasih ngagai Penguang

    NYADIKA TANDA: Penguang nyuaka cek ngagai Samuel di rumah Tr Jantan ak ngumbang @ Rumah Pengulu Benang, Sg Bakas Atas, Bakong, Baram kena hari enam, 4 August 2018.
    MIRI: Serakup Iban Sarawak (PAIS) deka chakah agi ngatur aktiviti ngaul komuniti kelebih agi raban bansa Dayak, sekalika ba pekara pelajar, main asal tauka pengawa ngintu pengelantang.

    Presiden PAIS, Samuel Suring madah berebak enggau nya PAIS deka bekerejasama enggau ejensi sereta gempung ukai dikuasa perintah (NGO) bekaul ngambi mantu ngenegapka budaya enggau pelajar raban bansa Dayak di nengeri tu.

    “Kami udah ngepunka pengawa tu dalam serakup diri, ngagai bala kaban ngena belanja diri empu.

    “Diatu ari sukung perintah nengeri, kami deka ngerembaika agi juluk serakup tu nengah aktiviti. Ukai semina ngaul bala kaban serakup aja tang mega sida ke bedau nyadi kaban lebih agi bansa Dayak,” ku iya madah ngagai BeritaIban.com nengah whatsapp, kemari.

    Berindik ari nya ku Samuel, PAIS meri besai terima kasih ngagai Menteri Muda Kaunsil Kandang Menua, Datu Dr Penguang Manggil ti udah meri pengandal ngagai PAIS sereta mega meri geran ngagai serakup nya ngambika sida ulih bejalaika aktiviti ti benung enggau deka diperambu.

    Geran ari Penguang, udah disua ngagai PAIS rambau program pemesai begulai enggau rayat sereta makai selamat Penghulu Benang Pilang di rumah panjai iya di Rumah Jantan Ngumbang di Sungai Bakas Atas, Bakong, semak ditu, Hari Enam tu tadi.

    Geran nya udah diterima Samuel empu, ngarika PAIS. Bela bisi nyempulang iya bala kaban komiti PAIS, iya nya Hafiszah Abdullah, Jykina, Pauline Samuel enggau Senia Urut. 

    “Agih belanja diberi Penguang tu deka dikena memanah bejalaika aktiviti ngintu pengelantang, pelajar enggau main asal ti ngaul bala kaban PAIS enggau raban bansa Dayak, kelebih agi bansa Iban.

    “Nya alai, PAIS meri besai terima kasih ngagai Dr Penguang ba sukung enggau pengandal iya ngagai PAIS,” ku iya nambah.

    No comments

    Post Top Ad