Pengajar kena jamah ba simpang lampu trafik, mata duit RM2,500 ditaban lari - Berita Iban Online

Header Ads

  • Baru Nyadi

    Pengajar kena jamah ba simpang lampu trafik, mata duit RM2,500 ditaban lari

    Gambar Pengias.

    KUCHING: Siku pengajar dijamah segerup lelaki enda dikelala sebedau nabanka kantung sandik iya ke bisi duit urung penyampau RM2,500 ba penusah kenyadi malam kemari.

    Nitihka sumber, mansa beumur 58 taun benung nepan motosikal deka pulai ke rumah tang ditanka segerup lelaki lelaki ke nepan sebuah kereta ba simpang lampu trafik di Tabuan Jaya, urung jam 11.40 malam. 

    “Urung penyampau tiga ngagai empat iku lelaki pansut ari kereta nya lalu malu mansa ngena perengka tauka senjata tajam sebedau ngambi marik emas enggau buah marik enggau kantung sandik ke bisi ngembuan dokumen peribadi sereta duit keretas penyampau (RM2,500),” ku sumber. 

    Sepengudah nya, kesemua suspek lalu ngelarika diri ari palan penusah kenyadi.  

    Orang mayuh ke bisi meda penusah kenyadi lalu mantu mansa enggau lalu mai mansa ke klinik besemak sebedau mansa ngaga ripot polis bekaul penusah kenyadi. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads