Polis nangkap siku lelaki malu menyadi iya ngena tungkat di Miri - Berita Iban Online

Header Ads

  • Baru Nyadi

    Polis nangkap siku lelaki malu menyadi iya ngena tungkat di Miri

    Suspek (kiba) udah mujur ditangkap enggau dibai ke Balai Polis Pusat Miri kena bejalaika pengawa mansik sereta nyidi.

    MIRI: Siku lelaki nyelai ulah (sakit mental) ditangkap polis sepengudah dipechayaka malu menyadi lelaki iya (abang) ngena tungkat besi ba rumah di Kampung Tudan Fasa 2 ditu, tengah hari kemari.

    Ketuai Polis Pampang Miri ACP Lim Meng Seah maya ke ditanya pengarang berita madahka kes nyadi sebedau jam 11.30 pagi.

    “Suspek (menyadi mansa) minta duit ba mansa dikena iya malas utang. 

    “Maya seduai iya belaya, suspek ngambi sebatang tungkat besi iya ke dikena mansa, lalu malu mansa enda ngetu-ngetu ari dalam rumah nyentukka pansut ba luar rumah,” ku iya.

    Ku iya, indai suspek enggau mangsa ke bisi meda kes kenyadi di rumah nya lalu minta bantu ari orang ke berimbai rumah enggau sida iya.

    “Suspek bisi ngembuan penyakit mental. Suspek enggau mansa nadai gawa enggau mansa bulih duit belanja ari asil kotak enggau tin aluminium ke dijual iya. 

    “Mansa mega bisi dokumen tauka kad Orang Timpang Pendiau (OKU) ianya cacat ba kaki enggau bejalai ngena tungkat,” ku iya.

    Ku Lim, mansa diperubatka di Hospital Miri enggau diripotka selamat (stabil).

    “Mansa bakal tauka telih ba belakang pala sepemanjai lima sentimeter, mengkul sereta telih mimit ba belakang sepiak kanan enggau telih mimit ba siku kiba iya,” ku iya.

    Suspek udah mujur ditangkap enggau dibai ke Balai Polis Pusat Miri kena bejalaika pengawa mansik sereta nyidi ari baruh "Seksyen 324 Kanun Keseksaan".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads