Header Ads

  • Berita Tebaru

    Rh Sengalang ambis lengis diempa api, 65 iku orang ke ngibun rumah nadai palan ngenduh

    Gambar maya penusah angus nyadi.

    BINTULU: Urung penyampau 65 iku orang ke ngibun rumah nadai endur palan ngenduh sepengudah rumah panjai pemanjai 11 pintu ke diuan sida iya, ambis lengis diempa api ba Rh Sengalang, Sg Selitut di Tatau, tumu pagi tadi.

    Nitihka dipadah, maya penusah nyadi, mansa ke napi penusah karam ba darat (angus) ianya 32 iku orang lelaki enggau 33 iku orang perempuan mujur nyelamatka diri.

    Sapit Direktor Operasyen Opis Bomba enggau Penyelamat Malaysia (JBPM) Sarawak Tiong Ling Hii, madah penyampau 11 iku raban bomba ari Balai Bomba enggau Penyelamat (BBP) Tatau ke diketuaika Nazari Harun berumban ngesah ke palan penusah karam ba darat nya sepengudah nerima kangau urung jam 3.59 pagi.

    Ku iya, raban BBP Tatau mega bisi dibantu raban bomba ari BBP Bintulu lalu bejalaika operasyen ngerara enggau madamka api nguna injin pengepam ai sereta ngambi penatai ai ari Sungai Selitut.

    Nitihka penerang ke diterima kami, semua mansa ke napi penusah angus nya, diatu ngenduh ba rumah kaban belayan ke besemak dia.

    Nitihka pansik raban kami, penusah angus tu kali ke tiga nyadi dalam kandang minggu tu ba Sarawak. Sepengudah Rh Museh, Kampung Sungai Merah ba Pantu angus kena 19 Ogos enggau Rh Engkabi, San Semanju ba Lubok Antu kena 20 Ogos 2018.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: