Header Ads

  • Berita Tebaru

    RIP Cikgu Hossara Cher Nahja Ak Richard

    RIP Cikgu Hossara Cher Nahja Ak Richard 

    SIBU: Raban kami bisi nerima penerang ari siku pemacha madahka Cikgu tauka Pengajar Hossara Cher Nahja Ak Richard ke gawa di Pemaju Masyarakat Tabika KEMAS Rh Nuing, Batu 4 Sebetan, Saratok udah midang pagi tadi di hospital Sibu.

    Nitihka penerang ke diterima kami, niang dipechayaka gugur kandung lalu ditaban ke Hospital Sibu tang disahka midang urung jam 5.30 pagi tadi. 

    Asil ari pemutus peresa post mortem, darah beku ba jantung tauka paru-paru lalu enda ulih ngepam,  ngujungka iya (niang Hossara Cher Nahja Richard) sendat seput.

    Naka kediatu, bangkai tauka tubuh niang  Pengajar Hossara Cher Nahja Ak Richard agi di Hospital Sibu enggau deka dibaie pulai ke Rh Geoffrey Banggai, Serudit A, Betong kena bejalaika pengawa nyengaie enggau nguburka niang.

    Niang Pengajar Hossara Cher Nahja Ak Richard udah gawa di  PM Tabika pengelama 11 taun, iya siku ari cikgu ke manah budi enggau basa ngagai bala pelajar lalu pengajar ba diak mega.

    Kelimpah ari nya, iya rindu tauka aktif ba aktiviti zumba enggau sukan. Iya mega siku ari 'Jurulatih Zumba di peringkat Daerah dan Bahagian'. 

    KEMAS Sarawak udah lenyau siku ari pengajar chukup manah budi enggau sereta ngembuan dedikasi ti tinggi.



    Kami ari Raban Berita Iban Online tauka BeritaIban.com, meri penyinu ati ngagai laki iya enggau semua sida sebilik ke ditinggalka niang Pengajar Hossara Cher Nahja Ak Richard.

    Berebak enggau nya, kami ngarapka semua bala ke sepintu bilik enggau niang tu ulih ngeringka ati napi penguji tu. 😢

    Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP.. 😇

    Petara sigi ngibun sereta ngintu iya ba pengidup ti baru din. Besampi ngagai Petara ti bemulia awakka semengat niang begulai manah enggau iya di Serega.. 🙏



    JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua kaban belayan ke dipesanka ulih datai enggau nemu pasal "Pesan Berat tauka Pesan Pemati" tu. Terima kasih bala pemacha semua laban udah nulung sereta besaup betesauka pesan tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: