RIP Sambas Anak Liban - Berita Iban Online

Header Ads

  • Baru Nyadi

    RIP Sambas Anak Liban

    RIP Sambas Anak Liban tauka Uchu Lebak tauka Uchu Sanai. 😢

    Meri tabi basa ngagai semua pemacha Berita Iban Online, kesekali tu kami bisi nerima "Pesan Berat tauka Pesan Pemati" ke diterima kami ari Simon Selat.

    Pesan pemati tu madahka Sambas Anak Liban tauka Uchu Lebak tauka Uchu Sanai, udah nadai kena pagi Hari Enam, 25 haribulan 8, 2018 ba Sepital Nyabau.

    Pesan tu dituju ke ngagai kaban belayan di:
    1. Sg Bawang
    2. Sg Tau
    3. Sg Kemena
    4. Sg Arip
    5. Lubuk Bukut
    6. Kaban belayan Rh jamit, Kuala Balingian
    7. Kaban belayan Sg Bawan Balingian

    Semua kita dipinta datai laban niang (Sambas Anak Liban tauka Uchu Lebak tauka Uchu Sanai) deka disengaie tauka diintu bebala mayuh kena malam Hari Minggu ianya 26 Haribulan 8, 2018 di Rumah Jarau, Sg Bawang, Balingian.

    Lalu niang (Sambas Anak Liban tauka Uchu Lebak tauka Uchu Sanai) deka dikuburka kena pagi Hari Satu, 27 Haribulan 8, 2018.

    "Arap semengat orang ke udah nadai dalam ibun Tuhan, bai iya diau enggau tuhan, dalam serega selalu". Amen. 🙏



    Kami ari Raban Berita Iban Online tauka BeritaIban.com, meri penyinu ati ngagai laki iya enggau semua sida sepintu bilik ke ditinggalka niang (Sambas Anak Liban tauka Uchu Lebak tauka Uchu Sanai).

    Berebak enggau nya, kami ngarapka semua bala ke sepintu bilik enggau niang ulih ngeringka ati napi penguji tu. 😢

    Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP.. 😇

    Petara sigi ngibun sereta ngintu iya ba pengidup ti baru din. Besampi ngagai Allah Taala ti pemadu bekuasa awakka semengat niang begulai manah enggau iya di Serega.. 🙏



    JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua kaban belayan ke dipesanka ulih datai enggau nemu pasal "Pesan Berat tauka Pesan Pemati" tu.

    Terima kasih bala pemacha semua laban udah nulung sereta besaup betesauka pesan tu. Tuhan merekat semua kitai..

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads