Rumah angus, lima sebuah ruang bilik selamat - Berita Iban Online

Header Ads

  • Baru Nyadi

    Rumah angus, lima sebuah ruang bilik selamat

    ANGUS: Raban bomba ngerara api ba sebuah rumah kayu setingkat di Jalai Tatau-Bintulu-Separai, tumu pagi kemari.

    BINTULU: Lima sebuah ruang bilik nyau deka bebadi sepengudah rumah ke endur sida iya diau angus, tumu pagi kemari di Jalai Tatau-Separai.

    Taja pia, sida iya sebuah ruang bilik dani kenyap sepengudah nyium bau asap lalu nyelamatka diri.

    Urung jam 2 pagi, sepengudah nemu api majak semak nyerarai ba rumah sida iya, Alex Nyulang, 48 taun, bini enggau tiga iku anak iya lalu pansut ke luar nyelamatka diri.

    Ketuai Balai Bomba enggau Penyelamat Pampang Tatau, Nazari Harun madah sepengudah nerima ripot bekaul kes angus nya, 11 iku raban bomba lalu beguai nurun ngesah ke palan penusah kenyadi. 

    Maya datai dipalan penusah kenyadi, api benung majak nyerarai deka nganguska rumah setingkat nya. 

    “Operasyen ngemadamka api lalu dipejalaika pengelama semak dua jam sebedau api nya mujur ngerara api nya 100 peratus,” ku iya.

    “Kebuah penusah nyadi enggau penyampau pengerugi ke dituntung agi dipansik enggau sebuah ruang bilik nya diatu ngenduh ba bala kesemak,” tandu Nazari.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads