Header Ads

  • Berita Tebaru

    Rumah ke diuan tiga ruang bilik angus lengis diempa api ba Batu Niah

    ANGUS LENGIS: Raban bomba benung bejalaika pengawa meresa sereta nyidi dipalan penusah nyadi.

    BATU NIAH: Sebuah rumah ke diuan tiga ruang bilik di Kampung Tanjung Berlipat angus lengis diempa api, lemai kemari.

    Ketuai Bomba enggau Penyelamat Zon Miri, Law Poh Kiong madah, piak iya bisi nerima kangau bekaul enggau penusah angus nya urung jam 1.52 lemai.

    Ku iya, berindik enggau nya, sembilan raban bomba beguai ke palan penusah nyadi ngambika ulih bejalaika operasyen ngerara sereta ngemadamka api. 

    "Raban Bomba Sukarela (PBS) Niah mega bisi datai ngesah dipalan penusah nyadi nya.

    "Pengudah datai dipalan penusah nyadi, piak iya meda bala genturung pendiau ke diau dia benung besaup ngerara sereta ngemadamka api nya," ku iya nerangka bala pengarang berita sehari tu tadi.

    "Operasyen ngerara sereta ngemadamka api nya tembu urung jam 2.59 lemai," tandu Law.

    Ku iya, asil pansik, api nya jampat mau laban struktur rumah nya digaga ari perengka ke jampat angus. 

    "Naka kediatu, penusah tu nadai mai penusah bebadi nyawa lalu penyampau pengerugi enggau kebuah penusah nyadi agi benung dipansik raban bomba enggau polis," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: