Header Ads

  • Berita Tebaru

    Rumah panjai Museh, Kampung Sungai Merah di Jalai Pantu, pemanjai 20 pintu ambis lengis diempa api

    KASIH AMAI: Gambar dipalan penusah angus nyadi.

    SRI AMAN: Sebuah rumah panjai pemanjai 20 pintu ambis lengis diempa api.

    Rumah panjai ke napi penusah angus ianya Rumah Museh, Kampung Sungai Merah di Jalai Pantu.

    Sapit Direktor Operasyen Opis Bomba enggau Penyelamat Malaysia (JBPM) Sarawak, Tiong Ling Hii madah seraban bomba ari Balai Bomba enggau Penyelamat (BBP) Sri Aman, berumban ngesah ke palan penusah nyadi sepengudah nerima kangau urung jam 4.40 lemai tu tadi.

    Raban bomba ari BBP Serian mega bisi ngesah ngagai palan penusah nyadi kena mantu ngerara enggau ngemadamka api.

    "Tang taja pia, komander operasyen madah, maya datai dipalan penusah kenyadi urung jam 5.44 lemai, api udah ngerarai 100 peratus ba pintu rumah panjai pemanjai 20 nya laban struktur rumah nya enda entap," ku iya maya ke dikerandau pengarang berita, sehari tu tadi.

    Raban bomba agi bejalaika pengawa ngemadamka laluh api dipalan penusah nyadi enggau nadai penusah bebadi nyawa diripotka.

    Naka kediatu, penyampau orang ke diau dia bedau temu.

    Penyampau pengerugi enggau kebuah penusah nyadi agi ditasat. 

    JAKU TANGAN: Berita tu deka ditandu kami baru nganti udah nerima penerang ari opis ke megai tanggungpengawa.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: