Rumah rega murah deka digaga kena mutarka penanggul berumah ba tanah ti nadai pemendar - Berita Iban Online

Header Ads

  • Baru Nyadi

    Rumah rega murah deka digaga kena mutarka penanggul berumah ba tanah ti nadai pemendar

    Gambar pengias.

    MIRI: Perintah Besai merambu deka ngaga rumah rega mudah berega antara RM36,000 ngagai RM42,000 dikena mutarka penanggul nirika berumah ba tanah ti nadai pemendar ditu. 

    Kaban Parlimen (MP) Miri, Dr Michael Teo madahka tu seriris enggau manifesto pengawa bepilih nyin tadi ngambi nyediaka rumah rega mudah ngagai peranak Miri. 

    “Kitai udah ngelala urung 8,000 iku peranak nadai rumah diri empu iya nya 4,000 iku peranak nirika berumah ba tanah ti nadai kemendar enggau diau numpang rumah orang bukai,” ku iya ba aum pengarang berita pengudah bejadika Program Ngitang Jalur Gemilang Renggat Bagi Menua Miri 2018 ditu kemari. 

    Ku Teo, taja tu semina deka dipejalai enti sema perintah nengeri nyediaka tanah enggau bekerejasama enggau perintah besai mutarka isu nya. 

    Perambu ngaga rumah rega mudah mega udah dikenatai ngagai Menteri Kaunsil Kandang Menua enggau Pengawa Berumah, Zuraida Kamaruddin, kemari. 

    “Opis Menteri Kaunsil Kandang Menua enggau Pengawa Berumah udah nagit deka ngaga 1 juta rumah ulih dibeli dalam timpuh lima taun. 

    Ari penyampau nya, kitai mega deka 10 peratus tauka urung 20,000 unit rumah rega mudah digaga ba Miri ninting taun ungkup raban ditagit,” ku iya nerang. 

    Nitih ku iya, perintah besai mega udah berandau enggau Bank Negara ngambika sida ti meli mayar penyampau injau pemadu baruh dalam timpuh lima taun keterubah. 

    “Maya sida teulihka kereja tauka udah ulih mayar, sida ke meli tau nikika penyampau bayar bank nitihka penatai pemisi sida,” ku iya. 

    Teo mega andal enti projek nya nerima kerejasama perintah nengeri, ke alai sida ke meli semina deka mayar penyampau injau baruh iya nya RM200 sebulan. 

    “Nyangka bisi projek rumah rega mudah baru tu 1,000 kaki pemesai lalu ulih nampung sida ti mayuh tubuh diri sebilik,” ku iya nerang. 

    Ku iya, projek rumah rega mudah perintah sebedau tu semina 500 kaki pemesai lalu mit lalu rega iya ngelui ari RM50,000. 

    “Nya kebuah kitai dekaka rega rumah rega mudah ba Semenanjung Malaysia antara RM36,000 ngagai RM42,000 tu disebela enggau rega di Sarawak,” ku iya nandu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads