Sangka aku anak patung, nemu nya bangkai mensia melepu - Berita Iban Online

Header Ads

  • Baru Nyadi

    Sangka aku anak patung, nemu nya bangkai mensia melepu

    Bangkai mansa ke ditemu ba Sungai Klang, Kampung Semarak, PJS 3, ditu.

    PETALING JAYA: Siku lelaki tekenyit sepengudah tepedaka bangkai mensia melepu maya iya nginti enggau sida seruang bilik ba Sungai Klang, Kampung Semarak, PJS 3, ditu, sehari tu.

    Orang ke nginti nya dikelala enggau nama Mohamad Razali Mohamad Zin, 59 taun, madah maya penusah nyadi, iya ke sungai nya begulai enggau tiga iku anak iya urung jam 8 pagi laban deka nginti ikan patin.

    "Maya nginti, tali ginti aku tekait ba kambut pesetik uras ke melepu lalu ditarit aku ke tebing sungai.

    "Maya aku deka ngingkaska mata ginti, aku tepedaka siti utai baka anak patung (ayam anak mit) tang pengudah diperatika aku enggau silik, aku pan nyau tekenyit nemu nya bangkai siku lelaki," ku iya maya ke dirandau pengarang berita tadi.

    Mohamad Razali, siku orang ke gawa nyadi deriba lori pengudahnya lalu ngangauka polis sereta madahka bisi meda bangkai siku lelaki ba palan nya. 

    Ketuai Polis Pampang Petaling Jaya, Asisten Komisioner Mohd. Zani Che Din, madah bangkai mansa nya dipelabaka dibuai ba sungai nya pengelama tiga tauka empat hari keudah laban bangkai nya nyau udah bau but.

    "Bangkai mansa nya diemou orang ke beumur entara 30 nyentuk ke 40 taun, tang dokumen pengelala mansa bedau temu.

    "Naka ke diatu, kebuah mansa nya bebadi nyawa agi dipansik enggau bangkai mansa dianjung ke Palan Perubat Universiti Malaya (PPUM) kena bejalaika pengawa buntas tasat," ku iya maya ke dirandau pengarang berita tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads