Header Ads

  • Berita Tebaru

    Saspek ke digiga polis ditemu tegantung ba pun kayu

    Bangkai mansa lelaki ke ditemu ba sebatang pun kayu besemak Sungai Ulu Penangah, ditu kemari.

    KINABATANGAN: Saspek ke digiga polis kena nasat kes laya dalam rumahtangga bebadi ba endur Sungai Ulu Penangah, ditu kemari.

    Saspek beumur 42 taun ditemu orang mayuh benung tegantung ba sebatang pun kayu ditisi sungai urung jam 4.30 lemai.

    Ketuai Polis Pampang Kinabatangan, Superintendan A. Sahak Rahmat madah proses ngelala bangkai dipejalaika, nemu nya bangkai saspek ke digaga piak polis kena Hari Satu tu tadi. 

    "Polis nerima ripot urung jam 3.30 lemai madah, bisi meda bangkai seiku lelaki benung tegantung ba sebatang pun kayu besemak Sungai Kuala Penangah ditu.

    "Asil pansik silik, mansa ianya saspek ke digiga piak polis kena nasat kes laya dalam rumahtangga enggau seiku indu kena Hari Satu tu tadi," ku iya maya ke ditanya pengarang berita, sehari tu.

    A. Sahak madah, pemidang mansa nya agi ditasat. 

    Kena Hari Satu tu tadi, seiku indu bakal ba betis ketegal ditikau ngena penumbuk buah kelapa sawit di kebun kelapa sawit Kampung Penangah Tongod. Berita penuh ulih dibacha nuan, (DITU).

    Asil pansik silik, maya penusah nyadi saspek benung mabuk.

    Kes dipansik ari baruh Seksyen 324 Kanun Keseksaan enggau Seksyen 18A Akta Keganasan Rumah Tangga 1994.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: