Seiku deriba lori enggau kelindan bebadi, tesepit ba dalam lori - Berita Iban Online

Header Ads

  • Baru Nyadi

    Seiku deriba lori enggau kelindan bebadi, tesepit ba dalam lori

    Raban Bomba enggau Penyelamat benung mansutka mansa tesepit.

    MUKAH: Seiku deriba enggau kelindan lori bebadi sepengudah tesepit dalam lori ke ditepan seduai iya belantak enggau sebengkah agi lori di Jalai Sungai (Sg) Arip, urung jam 7.40 pagi tadi.

    Ketuai Opis Tasat enggau Penguasa Polis Trafik Sarawak Superintenden Alexson Naga Chabu madah, lori ke ditepan mansa dipechayaka tepawah lebuh maya nurun bukit lalu ngelantak kemudi sebengkah agi lori.

    "Kededua mansa bebadi dipalan penusah kenyadi enggau tesepit ba dalam lori," ku iya.

    Deriba lori ke bebadi nya dikelala enggau nama Muhammad Fikrie Rollie Bansa Abdullah, 25 taun enggau Alexson Tarry Anak Lapan, 16 taun, kelindan lori nya.

    Kededua mansa dipansutka raban Bomba enggau Penyelamat Tatau.

    Tang deriba lori ke dilantak kemudi nya diripotka selamat tauka nadai bakal. 

    "Bangkai tauka tubuh mansa udah dianjung ke Sepital Mukah kena bejalaika pengawa buntastasat," ku iya.

    Kes dipansik ari baruh Seksyen 41 (1) Akta Pengangkutan Jalan (APJ) 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads