Siku indu bakal, ditikau laki iya ngena penumbuk buah sawit - Berita Iban Online

Header Ads

  • Baru Nyadi

    Siku indu bakal, ditikau laki iya ngena penumbuk buah sawit

    Sandak tauka penumbuk buah kelapa sawit ke dikena suspek nikau mansa dipalan penusah kenyadi.

    KINABATANGAN: Siku indu bakal ba betis sepiak kanan sepegudah ditikau ngena sandak tauka penumbuk buah kelapa sawit ba kawasan kebun Kampung Penangah, Tongod.

    Ketuai Polis Pampang Kinabatangan, Superintendan A. Sahak Rahmat madah mangsa diserang suspek ianya laki mansa empu urung 1 lemai, kena hari satu tu tadi. 

    A. Sahak madahka suspek beumur 42 taun, nikau mansa ngena sandak sepengudah iya (mansa) enggai mindahka asil buah kelapa sawit nya ba kebun.

    "Mansa diatu diperubatka ba Sepital Telupid enggu diripotka udah berinsur manah tauka gerai. 

    "Asil pansik tumu, suspek dipechayaka mabuk maya nikau ka sandak ngagai bini iya," ku iya madahka pengarang berita sehari tu tadi.

    Ku A. Sahak, suspek enggau bini iya udah nirika rumah tangga pengelama 22 taun, suspek nya sigi udah lama gian tauka udu ngirup ai arak tauka bisa. 

    "Polis bisi nerima ripot ari mansa kemari. Nitihka asil pansik tumu, suspek udah gian ngirup ai arak tauka bisa," ku iya.

    Kes dipansik nitihka Seksyen 324 Kanun Keseksaan enggau Seksyen 18A Akta Keganasan Rumah Tangga 1994.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads