Siku indu nanam anak mit baru ada ba baruh rumah di Bintulu ditan polis - Berita Iban Online

Header Ads

  • Baru Nyadi

    Siku indu nanam anak mit baru ada ba baruh rumah di Bintulu ditan polis

    Gambar pengias.

    BINTULU: Siku indu beumur 24 taun ditangkap polis kena bejalaika pengawa nasat kes ngelalai anak mit ke baru ada enggau nanam anak mit nya dipechayaka udah midang ba baruh rumah iya, kena hari dua tu tadi.  

    Ketuai Polis Pampang Bintulu Superintenden Zulkipli Suhaili madah urung jam 7.35 malam Hari Dua tu tadi, polis bisi nerima penerang ari Sepital Bintulu bekaul enggau siku indu genturung pendiau menua nya empu ke diperubatka ba Perubat Emergensi (ICU) di Sepital nya laban darah balat pansut. 

    “Polis lalu intebiu indu nya, iya ngaku udah beranak tauka mansutka anak iya kediri enggau bala sama serumah enggau iya pan nadai orang nemu iya udah beranak,” ku iya maya dikerandau pengarang berita kemari.

    Pengudah nya, ku iya, indu nya pan nyau kesal sereta takut lalu nanam anak mit ke baru ada nya dipechaya udah midang ba bawah rumah iya empu.

    “Asil asi penerang indu nya, polis begulai enggau piak sepital lalu numbak ba siti rumah di kandang menua Bintulu enggau tetemuka seiku anak mit (baby) tang penempa bedau temu sereta dibalut ngena kain bechura mirah dipechaya udah beumur tujuh hari enggau baby nya lalu dibai ke Sepital Bintulu kena bejalaika pengawa buntastasat,” tandu iya. 

    KASIH AMAI: Gambar maya ke ditemu dipalan penusah kenyadi. RIP 😢

    Ku iya, indu nya (saspek) ditan kena bejalaika pengawa nasat silik agi enggau kes tu dipansik ari baruh Seksyen 318 Kanun Keseksaan laban ngelalaika diri udah beranak.

    “Enti dikenuku salah ulih kena jil enda kurang ari dua taun sereta tunggu tauka kededua ukum nya,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads