Siku lelaki ditangkap, netak orang berimbai rumah ngena changkul - Berita Iban Online

Header Ads

  • Baru Nyadi

    Siku lelaki ditangkap, netak orang berimbai rumah ngena changkul

    Changkul dipechayaka dikena saspek netak mansa. 📷#SocialMedia

    BUTTERWORTH: Siku lelaki balat bakal pengudah belaya enggau kena tetak orang ke berimbai rumah ngena sebatang changkul ba rumah mansa di Kampung Manggis ditu, lemai ensana.

    Ketuai Polis Pampang Seberang Perai Utara (SPU), Asisten Komisioner Noorzainy Mohd Noor madah, bini mansa ngeripot pasal kes nya ngagai polis sepengudah meda jari kanan laki iya balat bakal ketegal kena tetak orang berimbai rumah ngena changkul. 

    "Nitihka asil pansik tumu, lelaki beumur 34 taun nya mansang ke rumah mansa lalu ngenyaika kotak fius karan 'elektrik' enggau paip ai rumah sebedau iya meri jaku jai enggau ngayunka sebatang changkul lalu kena jari kanan mansa.

    "Sebedau penusah nya nyadi, mansa udah ngaga ripot polis laban saspek kala madah deka ngemediska iya ngena duku dipechaya bepun ari laya entara sida iya ngelama tu," ku Noorzainy ditu, kemari.

    Ku iya, mansa dianjung ke Sepital Seberang Jaya ngambika ulih diperubatka enggau silik agi. Asil peresa lutur, lengan kanan lelaki nya telih enggau retak ketegal penusah kenyadi.

    Noorzainy madah, berindik ari penusah nya, polis nangkal saspek di Kampung Manggis urung 11 malam tadi enggau ngerampas sebatang changkul ke dikena iya ba penusah kenyadi.

    "Saspek nya mega bisi siti rikod lama bekaul enggau dadah. Iya diatu ditan polis kena nasat kes tu silik agi. Kes dipansik ari baruh Seksyen 326 enggau 506 Kanun Keseksaan," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads