Header Ads

  • Berita Tebaru

    "Aku semina ulih meri uchu aku Ajalena susu junjung aja," ku Leja

     Baby Ajalena gali ba katil Wad Anak Mit di Sepital Nyabau, Bintulu.

    BINTULU: Raban Berita Iban Online tauka www.BeritaIban.com bisi macha siti artikel ti chukup sinu ke diiyarka Francis Ngu ba Facebook iya madahka seiku indu (ini) semina ulih meri uchu iya susu junjung.

    Nitihka penerang ke diterima kami, seiku ini tuai benung buan uchu iya ke benung sakit di sepital nya.

    "Ini nya nadai duit belanja dikena bebeli ke perengkaguna uchu iya nya.

    Ketuai Gerempung Extrameal Bintulu, Francis Ngu How Hua bisi betemu sereta berandau enggau seiku indu ke dikelala enggau nama Nenek Leja Anak Bian, 54 taun, peranak asal ari Gasang Mujong, Balih Kapit enggau uchu iya Ajalena Anak kadut, indu, ke beumur setaun.

    Baby Ajalena begulai enggau ini iya (Leja)

    "Baby Anjalena diatu diibun ini iya empu sepengudah lama ditinggalka indai enggau apai iya," ku iya.

    Ku iya, Anjalena enggau ini iya ngenduh di rumah lus begulai enggau siku agi anak iya ke gawa nyadi pengereja kunterik ba pasar Bintulu Poliklinik lama suba.

    "Ajalena udah masuk sepital Nyabau pengelama seminggu sepengudah sakit angat enggau batuk. Minggu siti nyin ila, iya mega deka diperesa buah pinggang (kidney) enggau silik agi," ku iya maya ke dirandau raban Berita Iban Online.

    "Umur Ajalena udah manggai setaun tang berat tubuh iya semina 4 kg enggau ini iya ngelama tu semina meri iya susu junjung.

    "Sepengudah Ajalena tama sepital, iya ditagang piak sepital makai susu junjung. Berindik ari nya, Ajalena bisi nerima bantu mimit susu tepung enggau pampers ari bala staf ke manah ati sereta siru ba sepital nya.

    NYADIKA TANDA: Francis Ngu nyuakka 'ang pow' ngagai Baby Ajalena enggau ini iya.

    Francis Ngu mega bisi nyuakka bantu susu ke diempa Ajalena ianya Dumek umur setaun ke atas, Pampers Baby, size S, utai empa, perengkaguna ini iya enggau mimit duit belanja.

    "Ajalena takut ngagai semua orang ke deka semak tauka ngambi iya. Tang iya nyau nemu tuchum maya aku nyuakka iya 'angpow'. Engka iya nemu aku tu ukai orang jai, ku Francis sebedau iya mulaika diri ari sepital nya.

    "Sama-sama lah kita membantu tidak kira bangsa dan agama," ku iya.

    Berebak enggau nya, kami ari raban Berita Iban Online tauka www.BeritaIban.com minta mensia mayuh, gerempung NGO, parti politik tau orang seseiku ti ngembuan ati ti siru sereta gerah jari deka meri bantu ngagai Baby Ajelena kita dipinta datai ngagai wad anak mit ba Sepital Nyabau, Bintulu laban ini iya nadai bup tauka akaun bank, nadai talipaun binching enggau nadai tingki. Iya semina bisi surat diri (identiti).

    Aram mih kitai sama bela besampika Baby Ajalena ngambika iya jampat suman baka anak mit kebukai..

    "O Tuhan Jesus, nuan bekuasa atas semua penyakit. Sumanka mih sida ti sakit, kelebih agi sida ti arap sereta andalka Nuan." Amen 🙏

    Taja pan mimit pemeri tauka bantu ari kita, tang besai reti ba Baby Ajalena enggau ini iya. Semina Tuhan aja ulih malas pemanah budi enggau basa kita. Tuhan mereka semua. 😇



    JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua bala ke gerah jari ulih mantu Baby Ajalena enggau ini iya tu.

    Artikel tu enggau gambar kebukai bisi di engkah kami ba facebook pages kami, ulih dipeda tauka dibacha nuan ba DITU!

    Terima kasih bala pemacha semua laban udah nulung sereta besaup betesauka artikel tu. Tuhan merekat semua kitai..

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: