Siku ama ditan polis, ngetil anak mit enggai bebadu nyabak - Berita Iban Online

Header Ads

  • Baru Nyadi

    Siku ama ditan polis, ngetil anak mit enggai bebadu nyabak

    Gambar pengias.

    KEPALA BATAS: Ketegal enda liat ari meda baby (anak mit) enggai bebadu nyabak, siku indu (ama) ngetil mansa ngejungka bisi abi kembai ba perut enggau dada ba palan penusah nyadi di Taman Sri Serdang, ditu, kemari.

    Penusah nyadi urung jam 10 pagi, ama (saspek) beumur 33 taun pengudahnya nganjung mesej ngena aplikasyen WhatsApp ngagai indai mansa madahka tubuh anak iya mayuh abi kembai tang enda nemu nama kebuah. 

    Ketuai Polis Pampang Seberang Perai Utara, Asisten Komisioner Noorzainy Mohd Noor, madahka indai mansa pengudahnya ngambi anak iya ari rumah ama nya enggau lalu nganjung anak iya ke Sepital Kepala Batas ngambika ulih diperubatka enggau silik.

    Ku iya, asil peresa silik, lutur pechaya baby nya nyadi mansa jamah enggau lalu ngangauka polis. 

    “Polis bisi nerima penerang tumu ari indai mansa enggau madahka nganjung anak iya ke rumah ama urung jam 7 pagi.

    “Maya indai mans nganjung iya ke rumah ama nya, anak aku nadai nenama tauka bakal ba tubuh,” ku iya.

    Noorzainy madah, berindik ari nya, polis lalu nangkap saspek enggau asil pansik tumu, saspek ngaku diri bisi ngetil mansa laban baby nya enggai bebadu nyabak.

    “Saspek ngaku diri kelalu gidan tauka enda liat ati meda baby nya majak nyabak lalu ngetil mansa ngambika iya badu nyabak.

    “Penyalah ke digagak saspek ba bilik besai (endur temuai duduk) mega bisi dipeda anak lelaki iya ke beumur empat taun enggau anak iya nya mih nyadika saksi dalam kes tu,” ku iya.

    Ku iya, nitihka asil peresa ari lutur madahka mayuh amat bekau baru kembai ba dada enggau perut mansa tang taja pia, nadai bakal tauka patah ba dalam tubuh iya.

    “Saspek ditan sehari tu kena bejalaika pengawa mansik enggau kes tu dipansik ari baruh Seksyen 31(1) Akta Kanak-Kanak 2001,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads