Header Ads

  • Berita Tebaru

    Siku ama kena tanchum pagar besi, ngelarika diri ari 'tokey' ti deka masung iya

    Raban bomba benung deka netak besi pagar rumah ba palan penusah nyadi. 📷#BeritaSibu

    SIBU: Siku pemantu rumah (ama) penatai ari menua Indonesia bakal ba betis sepengudah ditanchum pagar besi maya deka ngelarika diri ari 'tokey' ke dipechaya deka masung iya, malam tadi.

    Ketuai Polis Pampang Sibu, ACP Stanley Jonathan Ringgit madah, indu nya (ama) beumur 18, niki pagar besi rumah 'tokey' tauka orang ke ngempu rumah ba Jalai Ramli Amit maya deka ngelarika diri urung 11.00 malam.

    "Siku lelaki beumur 81 taun mujur ditangkap urung jam 12 tengah hari tadi, kena mantu polis nasat kes tu," ku iya maya ke ditanya pengarang berita.

    Ku Stanley, pengudah polis nerima kangau bekaul penusah nyadi nya lalu berumban ngagai palan penusah nyadi enggau meda mansa agi bisi ba atas pagar nya.

    Raban bomba ari Balai Bomba enggau Penyelamat (BBP) Sibu, pengudah nerima kangau lalu berumban nyesah ke palan penusah nyadi laban deka netak besi pagar sebedau mansa dianjung berubat ke sepital. 

    Ku Stanley, asil pansik tumu, mansa madahka saspek nguji deka masung iya penyuah dua kali ba hari penusah nyadi.

    "Sebedau nya, mansa benung nanjah bungai ngena ai,  iya (mansa) dikangauka saspek tama ke dalam rumah sebedau saspek ngelock pintu lalu merap enggau nyium sereta megai tusu iya urung jam 2.00 lemai," ku iya

    Urung jam 3.30 lemai, saspek narit jari mansa enggau mai iya tama ke bilik tang mansa enggai lalu ngelarika diri ari nya.

    Mansa belabuh gawa enggau suspek kena 3 Ogos 2018 enggau pasport iya agi disimpan tokey nya.

    "Kes tu dipansik ari baruh Seksyen 354 Kanun Keseksaan laban deka masung mansa," tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: