Siku anak mit indu 5 taun dipechayaka dijamah penjaga di Selangau - Berita Iban Online

Header Ads

  • Baru Nyadi

    Siku anak mit indu 5 taun dipechayaka dijamah penjaga di Selangau

    AGI DIPERUBAT DI SEPITAL: Gambar mansa di Sepital Mukah sebedau dianjung ke Sepital Sibu ngambika ulih diperubatka enggau silik agi.

    MUKAH: Siku anak mit indu beumur lima taun patah jari kanan dipechayaka dipalu penjaga di rumah orang ke gawa kilang kelapa sawit di selangau, ditu. 

    Ketuai Polis Pampang Mukah DSP Jimmy Panyau madah, polis nerima ripot ari doktor madahka anak mit ke dianjung penjaga nya bisi abi kembai ba mua, dada, belakang, kaki enggau kulit ngelupas ba urung kanda mansa. Kelimpah ari patah jari, mansa dipelabaka kena jamah.

    Berebak enggau nya, ku iya, penjaga ianya ibuk (ibu saudara) mansa nya empu, 25 taun, ditan urung jam 12.25 tengah hari kemari.

    “Suspek (penjaga) ngaku malu mansa ngena jari enggau hanger (penyangkut pakaian).

    “Jari mansa patah ketegal dipalu suspek ngena kayu,” ku iya meri penerang ngagai raban media ditu, kemari.

    Ku iya, suspek malu mansa dua hari keudah, kilah ensanus enggau kepenudi mansa dipalu ngena hanger kemari.

    Mansa dianjung ke Sepital Mukah sebedau diperubatka enggau silik agi di Sepital Sibu.

    Nitihka dipadah, apai enggau indai mansa udah sarak enggau mansa nya dijaga ibuk iya empu. 

    Kes tu dipansik ari baruh "Seksyen 324 Kanun Keseksaan dan Seksyen 31(1)(a) Akta Kanak-Kanak 2001".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads