Header Ads

  • Berita Tebaru

    Siku anak mit lelaki dua taun parai, kena indik tayar kerita apai iya empu

    Kerita apai mansa ba palan penusah nyadi.

    KOTA BHARU: Siku anak mit lelaki beumur dua taun bebadi nyawa sepengudah kena indik tayar kerita apai iya ba mua resturan di Jalai Kota Bharu, ditu, malam tadi.

    Penusah nyadi urung jam 10.30 malam nya, Muhammad Rayyan Rizqi Mohd Fakhrul Zaman (mansa) bebadi ba palan penusah nyadi ketegal balat bakal ba pala.

    Ketuai Polis Pampang Kota Bharu, Asisten Komisioner Ismail Mat Sidik, madah sebedau penusah nyadi, mansa begulai apai enggau indai iya baru udah tembu makai ba sebuah resturan enggau baru nepan kerita sida iya ba palan paking kerita laban deka pulai ke rumah.

    “Mansa enggau apai iya beumur 38 taun tama ke dalam kereta Proton Iriz sebedau anak mit nya diengkah ba penuduk luan penumpang. Mansa dipeda nyandih ba pintu luan sepiak kiba.

    “Indai mansa agi ba luar kerita, maya iya muka pintu kerita nya labuh lalu pansut ari kerita.

    “Apai iya tekenyit enggau nguji deka nyelamatka mansa tang apai mansa dipechayaka terindik 'pedal' minyak lalu mansa kena indik tayar kerita,” ku iya maya ke dirandau pengarang berita sehari tu tadi.

    Ismail madah, ngam-ngam ga maya nya, kereta nya mega besengki enggau sebuah Proton Persona ke paking ba sepiak kiba tang deriba kerita nya diripotka selamat tauka nadai bakal.

    Ku iya, bangkai tauka tubuh mansa pengudahnya dianjung ke Sepital Raja Perempuan Zainab (HRPZ) II, ditu, enggau pengawa buntas tasat dipejalaika pagi tu tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: