Header Ads

  • Berita Tebaru

    Siku Baby dijamah indai iya ba Ward Anak Mit di Sepital Nyabau

    DIPALAN PENUSAH NYADI: Pendiau ba ward anak mit di Sepital Nyabau, Bintulu.

    BINTULU: Raban kami bisi macha siti kes pasal Siku Baby dijamah indai iya ba Ward Anak Mit di Sepital Nyabau.

    Artikel nya dipansutka siku ari orang ke ngena facebook, urung jam 10.44 malam, kemari. Tu artikel ke ditulis iya:

    Hi Gais.. Malam tu aku deka bekunsika utai nyata tauka penusah nyadi dipeda enggau mata aku ba Sepital Nyabau..  

    Ati aku nyau enda tan ari kemari,  seari-ari tu enggau lemai tu nyadi.. 

    Chukup naka pengidan mata aku meda indai baby nya..

    Baby (anak mit) nya baru beumur 6 bulan lebih aja..

    C***y lalu pengidup.. Belabuh ari kemari masuk ward nadai kala aku meda indai iya ngaum baby (anak iya empu) enggau chara ti manah tauka mentas tang enda dilak ke iya pia aja, maya baby nya nyabak, nyentukka baby nya ninduk diri.

    Tengahari tadi, baby nya nyau diempaska indai iya empu laban enda liat ninga baby nya nyabak, engka enda alah aum iya.. 

    Lemai tadi, bisi siku indu misi ngelara indai baby nya ngasuh ngaum baby nya tang enda dikeibuhka iya, nyau ngasuh iya angkat lalu ke kantin. Baby nya nyabak ditinggalka iya pia aja. Sengudahnya, bisi datai siku lutur indu ngaum baby nya.

    Urung jam pukul 6 lemai kemari, apai baby nya pan bejaku nyawa ti ingar ba mua baby nya.

    Kita ka nemu nama utai disebut apai baby nya??.

    *Baby nya disumpah iya parai..*

    Lalu nadai pengasih tauka penyiruka anak diri empu. Isa ga enti iya nyebut nya ba anak orang bukai. Nya tak anak iya empu, ari ai b***h iya empu.

    Malam tu,  indai iya, nempik dada baby enggau udu laban deka ngasuh baby nya tinduk.

    Ukai kenya chara beribun anak mit. Kita mesetika belubah ngaum anak, nemu iya ngetu nyabak.

    Nya nyau dijangkam, ditampar kuyu anak.. 

    Kati enda anak nya nyabak.. Anak ka nusu ngaga diri enda ninga. Nyau bendar anak ke nyabak ulih lutur ngerak, baru dani.. Ni enda anak ringat.. 

    Anak diberi nyusu gali, ketemu aku, baby nya bisi penanggul ba enseput (sendat seput) enggau iya endang sigi dilalau ari nyusu gali. Enti nyema baby nya nyusu gali, ka agi iya sesengah tauka enseput laju..  

    Enggai mih indai iya angkat magi iya nyusu duduk.. Nadai salah kitai magi anak nyusu duduk, mata pan ulih pejam.

    Maya anak enggai tinduk diasuh tinduk..

    Dini anak ka digaga bakanya?.. 

    Belik-belik indai enggau apai baby nya..

    Diatu aku baru udah ngelara indai iya laban indai iya magi nyusu gali lalu ngejungka anak iya sedekan, batuk..

    Aku madahka indai baby nya, enda ngasuh iya meri anak iya nyusu gali enti iya batuk, duduk ke iya, belakang iya alu tempap begadai tauka anang udu..  

    Enda mukai-mukai, apai baby dani, alu muchau merening aku.. Tang aku enda meretika nama utai dipadahka iya laban iya bejaku ngena jaku penan..

    Aku enda ibuhka nya.. Janji aku udah madah enggau nulung meri penemu tauka chara ti betul beribunka anak ngagai seduai iya. Bah kati runding kita... Engkeman ke enda utai tu..

    #video ke ya malu nera ank nya aku ndai ngehikut,suri auk.tu aja ke mlm tuu..
    #ti bc ku meda ya ngaga bby ya knya baru ila ku ngehikut k.. Bah selamat malam..


    Raban kami nadai ngererak tauka ngaga cherita kediri empu. Kami semina nulis artikel nya baru ngena 'spell' enggau leka jaku ti engkeman. Ngambika semua orang meretika artikelka diiyarka kami. Enggau nama orang ke nulis pasal kes tu dilalaika kami laban kena nyaga pengelikun iya enggau seruang bilik.

    Penerangka diterima kami urung jam 6.00 tumu pagi tadi, Hari Empat, 23 Ogos 2018.

    Tuju kami ngiarka berita tu, ukai ketegal deka bejai tauka nanahka sapa-sapa tang laban kami kasih tauka siru meda anak mit nya. Enti nyema, kes tu amat nyadi.

    Kelimpah ari nya, kami ngarapka orang ke bisi meda tauka saksi maya penusah nyadi tau ngaga ripot ngagai lutur tauka balai polis.

    Berebak enggau nya, kami mega ngarapka polis ulih nangkap sereta nasat saspek (indai baby) laban udah ngemedis tauka nyamah anak iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: