Siku deriba lori telih pemanjai tiga sentimeter ba kening, dipaluk siku lelaki ba Jalai Miri - Bintulu - Berita Iban Online

Header Ads

  • Baru Nyadi

    Siku deriba lori telih pemanjai tiga sentimeter ba kening, dipaluk siku lelaki ba Jalai Miri - Bintulu

    Gambar pengias.

    MIRI: Siku deriba lori telih pemanjai tiga sentimeter ba kening enggau nerima 11 iti abi jahit pengudah dipaluk siku lelaki ke dipechayaka ngetan lori iya ba Jalai Miri-Bintulu ditu, malam hari empat minggu nyin tadi. 

    Nitihka penerang kami, penusah nyadi urung jam 10 malam, maya siku lelaki (mansa) beumur 40-an ngetuka lori iya sepengudah meda siku lelaki enggau siku indu ba tisi jalai. 

    Kededua saspek ngepai mansa ngena jari ngambika mansa ngetu ke lori iya.

    Mansa pengudahnya ngetuka lori lalu muka cheremin ba sepiak endur deriba. 

    Nitihka dipadah, enda mukai-mukai saspek lelaki lalu ngayunka utai kering dipechayaka kayu ba pala mansa. 

    Mansa telih ba kening sepiak kiba enggau berasai takut lalu ngelarika diri sereta ningalka lori iya ke tepawah ba tisi jalai. 

    Mansa pengudahnya lalu nganjung diri ke Klinik Pengerai ba Batu Niah ngambika ulih diperubat enggau silik agi sebedau ngagai ripot polis ba Balai Polis Batu Niah kena bejalaika pengawa mansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads