Siku indu ke gawa perintah ditemu mati, ditanchang kaki enggau jari di Sibu - Berita Iban Online

Header Ads

  • Baru Nyadi

    Siku indu ke gawa perintah ditemu mati, ditanchang kaki enggau jari di Sibu

    Raban polis datai di palan penusah ke nyadi.

    SIBU: Genturung pendiau di Jalai Tiong Hua ditu tekenyit sepengudah nemu siku indu ditanchang ba kaki enggau jari sereta enda enseput agi maya ke ditemu ba bilik sewa iya, lemai tadi.

    Nitihka dipadah mansa beumur 26 taun ditemu kaban ke sama gawa enggau iya lebuh maya kaban iya ngabas ke rumah mansa urung jam 3.30 lemai.

    Tekenyit laban tepeda ke mansa nya baka nya, kaban mansa lalu beguai betalipaun ngagai polis enggau ngaga ripot pasal penusah ke nyadi.

    Nitihka penerang ke diterima kami, mansa enda ulih ditalipaun tauka 'call' sereta nadai datai gawa ari pagi tadi. 

    Berebak enggau nya, ketegal irau mansa, kaban mansa dipechayaka penatai ari Kanowit lalu beguai ngiga mansa ke bilik sewa iya.

    Sepengudah iya datai ba bilik sewa mansa, iya tekenyit maya tepedaka mansa udah enda enseput agi, kaki enggau jari mansa pan ditanchang.

    Mansa siku ari orang ke gawa perintah di salah siti agensi "Kerajaan Persekutuan di Pusat Transformasi Bandar (UTC) Sibu".

    Ketuai Polis Pampang Sibu, Asisten Komisioner Stanley Jonathan Ringgit maya ke ditanya pengarang berita ngesahka penusah ke nyadi. 

    Kes ditasat ari baruh "Seksyen 302 Kanun Keseksaan". 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads