Header Ads

  • Berita Tebaru

    Siku indu putus jari kiba pengudah belaya enggau laki iya

    Genturung pendiau ke diau besemak dia meda bekau darah mansa dipalan penusah kenyadi.

    BALIK PULAU: Siku indu putus jari kiba pengudah belaya enggau laki iya dipaking kereta, tingkat tiga, Flat Bayu Nyaman, Bayan Lepas ditu urung jam 12.55 tengah malam tadi.

    Mansa indu beumur 24 taun nya sepengudah nya ditaban ke Hospital Pulau Pinang ke benung balat dibalut darah. 

    Ketuai Polis Pampang Barat Daya, Superintendan A A Anbalagan madahka piak polis udah mujur nangkap suspek (laki mansa) ke beumur 39 taun ba surau di Georgetown sepengudah beberapa jam seduai iya belaya.

    Ku iya, asil pansik tumu penusah kenyadi di paking tingkat tiga ba pangsapuri nya.

    "Seduai iya melaki bini belaya dipechayaka bepun ari suspek cemburu tauka ninding bini iya. Suspek nyangka bini iya bisi bepangan (sulu ati) enggau lelaki bukai kenyau ari dua taun ke udah.

    "Suspek ngaku netak jari mansa ngena pisu. Kediatu, seduai iya melaki bini benung dalam proses deka sarak," ku iya.

    "Suspek nya mega bisi empat iti rekod jenayah ke dulu suba," tandu Anbalagan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: