Header Ads

  • Berita Tebaru

    Siku indu tekenyit digayap orang sepiak rumah

    Gambar pengias.

    KOTA KINABALU: Siku indu digayap orang sepiak bilik maya iya tinduk di rumah iya di Inanam, ditu, kemari.

    Nitihka dipadah, kes nyadi urung jam 11 malam, ngam-ngam gak maya nya laki indu ke beumur 38 taun nya nadai di rumah.

    Ketuai Polis Pampang Kota Kinabalu, Asisten Komisioner Habibi Majinji madah, enda lama sepengudah laki mansa pansut, suspek lalu masuk ke rumah nya.

    “Suspek narit tanchut chawat (seluar dalam) mansa sebedau dani kenyap enggau ngelala suspek nya orang sepiak rumah (jiran),” ku iya nerang maya ke ditanya pengarang berita.

    Habibi madah, mansa udah nya lalu nyerauh lalu ngejungka suspek beguai ngelarika diri.

    “Ripot polis udah digaga enggau polis diatu benung ngiga sereta nyidi suspek beumur 40-an enggau kes tu dipansik nitihka "Seksyen 354 Kanun Keseksaan" laban deka masung mansa,” ku iya.

    No comments

    Post Top Ad