Header Ads

  • Berita Tebaru

    Siku lelaki bakal ditagup baya ba Sungai Bakong, Beluru

    Gambar pengias.

    MIRI: Siku lelaki (orang tuai) mimit da agi nyau ka bebadi nyawa sepengudah ditagup baya maya iya benung nyala ikan ba Sungai Bakong, Beluru ditu, lemai kemari.

    Mansa dikelala enggau nama Mangku Sulo, 56 taun, ditaban ke Sepital Miri sepengudah penusah nyadi enggau nerima 12 iti abi jahit ba kaki kanan iya ketegal bakal diketup baya nya.

    Ku iya, sebedau penusah nyadi urung jam 2 lemai hari minggu, iya begulai enggau lima iku bakih ke sama rumah panjai nurun ke sungai nya laban deka nyala ikan.

    “Maya benung nibarka jala, enda mukai-mukai aku diserang utai datai ari dalam ai sungai nya.

    “Aku enda nemu nama utai ti nyerang aku laban penusah nya kelalu jampat enggau semina berasai kaki aku dipanggum sereta diirit ke dalam ai sungai,” ku iya maya ke dirandau ba Sepital Miri sehari tu tadi.

    Ku Mangku, baya nya ngirit iya ke lebuh ai sungai sebedau manggum kaki iya.

    “Sepengudah aku berasai kaki dilekaka ke baya nya, iya alu nyemerai ke tebing ai sungai enggau pengabis ati laban deka nyeliahka diri ari ditagup baya nya.

    “Maya penusah nyadi, aku nyau berunding kediri dalam ati, parai mih aku tu, tang sepengudah mujur niki ke tebing sungai enggau meda telih ba kaki, nya baru aku nemu diri agi idup,” ku iya lalu beterima kasih ngagai Petara taja pan penusah nya chukup nenakutka iya.

    Mangku madah, sepengudah datai ba tebing sungai nya, iya sempat malik ke belakang enggau tepedaka siku pala baya pansut ba ai sungai nya, dipechayaka nyerang sereta nagup iya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: