Header Ads

  • Berita Tebaru

    Siku lelaki ngaku salah ngemba menyadi diri

    Gambar pengias

    MIRI: Bekau ari ulah salah ngemba menyadi kandung diri, siku lelaki ke udah sarak enggau bini iya ditunggu Kort Majistret RM4,000 tauka tiga bulan jil.

    Ukum nya dibacha Majistret Zuraini Ali Musa pengudah beratika sekeda kebuah penyalah diaku enggau peminta lelaki nya, penerang kes, pemesai penyalah sereta berundingka pengelikun orang bukai.

    Baini Madang ari Bandar Baru Permyjaya ditu didawa nitihka Seksyen 506 Kanun Keseksaan ti ngundan ukum jil tujuh taun tauka tunggu tauka kededua sekali nyema dikenuku salah.

    Kenu ku penerang kes, lelaki nya ngereja penyalah ngemba menyadi kandung iya, Johnny Madang, 32, nengah chara ngambi dua iti samurai lalu mantap pintu rumah sereta nyakap mai menyadi iya belaya.

    Iya didawa ngereja penyalah nya urung pukul 7 malam, 24 Julai tu tadi ba sebuah rumah di Quadreplex Bandar Baru Permyjaya ditu.

    Ba mua kort, lelaki ke salah nya minta ukum nya ditimbang baru laban iya ke agi ngibun anak enggau indai iya.

    Kenu ku lelaki nya, iya nyida laban ulah menyadi iya nya udu ngirup ai bisa sereta enhuri keresa iya lalu dijual dikena ngulihka duit meli ai bisa.

    Maya hari penusah nyadi, lelaki nya nganu menyadi iya, udah nya menyadi iya nya ringgat lalu ngambi dua iti samurai lalu mantap pintu rumah sida.

    Lelaki ke salah tu nunda, ngerampas dua iti samurai nya lalu mantap pintu ke sama.

    Kes nya dibacha ASP Mary Ong ba mua Majistret Zuraini Ali Musa. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: