Siku lelaki numbuk apai iya empu, enggai ngasuh ngena motosikal - Berita Iban Online

Header Ads

  • Baru Nyadi

    Siku lelaki numbuk apai iya empu, enggai ngasuh ngena motosikal

    Gambar pengias.

    MIRI: Siku lelaki nyida lalu numbuk apai iya empu sepengudah apai iya enggai ngasuh iya ngena motosikal ba sebuah rumah di Permyjaya ditu, kemari.

    Penusah nyadi urung jam 11 pagi kemari, maya siku lelaki (anak) ke beumur 27 taun numbuk mansa (apai iya empu) ke beumur 57 taun.

    Pengari polis madah, maya penusah nyadi, lelaki (saspek) mega ngeransi sereta ngerusakka mayuh bengkah perengkaguna ke bisi ba rumah sida iya nya. 

    Ku iya, meda ari ulah ke digaga saspek (anak iya) nya. Apai iya lalu ngangauka polis sereta ngaga ripot pasal penusah ke nyadi. 

    "Berindik ari ripot polis nya, saspek pengudahnya ditangkap polis kena bejalaika pengawa mansik silik agi.

    "Asil pansik tumu, saspek dipechayaka udah suah ngeransi tauka ngereja pengawa ke baka nya ngelamatu," ku iya maya ke dirandau pengarang berita sehari tu tadi.

    Pengari polis ngelansa, naka ke diatu, raban polis agi mansik nama kebuah (motif) saspek nyida, ngeransi perengkaguna ba rumah enggau kempang ati numbuk apai iya empu.

    Ku iya, apai saspek diripotka nadai bakal, tang ripot polis ke udah digaga kena nyaga pengelikun sida seruang bilik. 

    "Kes tu dipansik ari baruh Seksyen 323 Kanun Keseksaan laban ngemediska apai iya. 

    "Enti dikenuku salah, saspek ulih diukum jil pengelama setaun tau tunggu mata duit penyampau RM2,000 tauka ke­dedua nya sekali," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads