Header Ads

  • Berita Tebaru

    Siku nembiak lelaki 15 taun bebadi sepengudah belantak enggau Treler di Tatau

    RIP: Gambar motosikal mansa (gambar segala mit)

    BINTULU: Siku nembiak lelaki bebadi ketegal eksiden di Kilometer 2, Jalai Tatau / Bintulu urung jam 9.22 malam tadi.

    Ketuai Opis Tasat enggau Penguasa Trafik Sarawak, Superintenden Alexson Ngaga Chabu madahka mansa dikelala enggau nama Richard Eli Zi Cheng, 15 taun, balat bakal ba pala enggau tubuh, disahka raban paramedik Klinik Kesihatan Tatau bebadi dipalan penusah kenyadi.

    Ku iya, asil pansik tumu, eksiden nyadi maya motosikal Yamaha Lagenda ke ditepan mansa datai ari jalai muak ke Bintulu nuju ke Tatau, maya datai ba KM 2 jalai Tatau-Bintulu, mansa masuk ke jalai ngelaban arus lalu belantak enggau sebuah lori treler ke datai ari jalai Tatau nuju ke Bintulu. 

    "Ketegal eksiden nya, mansa ke nepan motosikal nya disahka paramedik Klinik Kesihatan Tatau bebadi dipalan penusah kenyadi. Tang deriba Lori Treler enggau kelindan lori nya diripotka selamat tauka nadai bakal", ku iya.

    Mansa dianjung ke Hospital Bintulu kena bejalaika pengawa bedah tasat.

    Kes tu dipansik ari baruh genteran "Seksyen 4(1) Akta Pengangkutan Jalan 1987". 

    No comments

    Post Top Ad