Header Ads

  • Berita Tebaru

    Siku nembiak lelaki bebadi, motosikal dilantak hilux ari kemudi

    Motosikal ke dikena siku nembiak lelaki ke bebadi ba palan penusah nyadi. Gambar mansa (gambar mit).

    SIBU: Siku nembiak lelaki bebadi pengudah motosikal ke ditepan iya dilantak hilux ari kemudi ba Jalai Wong King Huo urung jam 11.40 malam tadi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madah mansa ke bebadi nya dikelala enggau nama Albert Ngu Bing Hoe, 19 taun, penatai ari Jalai Belatok Utara.

    "Maya eksiden nyadi, sebuah hilux ke benung bejalai ari muak ke sama (entudi pangan diri), enggau hilux nya dipechayaka ngelantak kemudi motosikal mansa ke benung bejalai ari sepiak kanan.

    Nitihka dipadah, mansa benung dirantau jalai deka mulaika diri ke rumah nengah jalai Wong King Huo nuju ke Salim.

    Ku iya, nitihka ripot raban perubat ari Sepital Sibu, mansa bebadi ba palan penusah nyadi. 

    Orang ke deriba hilux, 28 taun, diripotka selamat tauka nadai bakal ba tubuh.

    Bangkai mansa dianjung ke Sepital Sibu kena bejalaika pengawa buntas tasat.

    Kes nya dipansik ari baruh Seksyen 41 Akta Pergangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: