Siku nembiak lelaki bebadi pengudah eksiden di Jalai Pedada, Sibu - Berita Iban Online

Header Ads

  • Baru Nyadi

    Siku nembiak lelaki bebadi pengudah eksiden di Jalai Pedada, Sibu

    RIP: Kasih amai..

    SIBU: Siku deriba motosikal bebadi tang kaban ke enggau iya diripotka bakal sepengudah eksiden di 'lampu isyarat' Jalai Pedada ditu malam tadi.
    Eksiden nyadi dipechaya urung jam 11.45 malam maya motosikal ke ditepan dua iku nembiak nya belantak enggau sebuah kereta Toyota Avanza di simpang lampu isyarat.

    Ketuai Opis Tasat enggau Penguasa Trafik Sarawak, Superintenden Alexson Naga Chabu ngesahka eksiden nyadi maya ke ditanya raban pengarang berita sehari tu.
    Mansa (deriba motosikal) bebadi nya dikelala enggau nama Pattrus Gama Baki, 20 taun, tang kaban iya (penumpang), Morision Limbie, 17 taun balat bakal.
    Sebedau eksiden nyadi, mansa enggau kaban iya ngena motosikal ari jalai Jalai Pedada nuju ke pasar Sibu tang siku indu ke beumur 19 taun ngena kereta mansang ari jalai Jalai Wong King Huo nuju ke Jalai Oya.

    Ku Alexson, nitihka penerang orang ke meda (saksi) eksiden kenyadi, mansa ngelantak lampu isyarat sebedau seduai iya belantak kereta nya.

    Ketegal pemalat eksiden nya, kededua mansa dipechayaka tepelanting di tengah jalai.

    "Kededua seduai iya peranak ari Rumah Meru, Ulu Entaih, Pakan.

    "Asil peresa mansa nadai ngembuan lisin deriba", ku iya.

    Bangkai tauka tubuh mansa dianjung ke Sepital Sibu dikena bejalaika pengawa bedah tasat.

    Kes tu dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads