Header Ads

  • Berita Tebaru

    Siku nembiak lelaki bebadi pengudah terjun ari Shopping Mall

    RIP: Mansa dilabung ngena kain burak disahka raban perubat bebadi dipalan penusah kenyadi.

    PENAMPANG: Siku nembiak lelaki ditemu enda nemu diri tauka ngeleda sepengudah dipechayaka labuh ari Palan Bebeli Barang (Shopping Mall) Mengalong ditu lemai kemari.

    Kes nyadi urung jam 4 lemai nya, mansa beumur 16 taun disahka raban perubat bebadi dipalan penusah kenyadi.

    Ketuai Polis Pampang Penampang, Deputi Superitendan Mohd. Haris Ibrahim madah, urung jam 4.06 lemai kemari piak iya bisi nerima penerang sentang siku nembiak dipadahka labuh ari Palan Bebeli Barang Megalong ditu.

    "Asil pansik tumu, pelajar pom empat nya dipelabaka terjun ari Palan Bebeli Barang nya sebedau iya ditemu enda nemu diri tauka ngeleda di jalai alun sepiak Palan Bebeli Barang nya.

    "Berebak enggau nya, piak perubat datai dipalan penusah kenyadi ngesahka nembiak nya udah midang enggau bala ke sepintu bilik enggau mansa ditalipaun kena bejalaika proses ngelala mansa tauka bangkai iya," ku iya nerangka pengarang berita.

    Mohd. Haris mega ngelansa, mensia mayuh ke bisi penerang tauka meda penusah kenyadi, dipinta meri penerang ngagai piak polis kena bejalaika pengawa mansik enggau nyidi. 

    Kes tu diklasifikasika nyadi kes mati ngenyit.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: