Header Ads

  • Berita Tebaru

    Siku nembiak lelaki bebadi sepengudah motosikal ke ditepan iya belantak enggau 4WD di Bekenu

    Gambar dipalan penusah ke nyadi. Gambar mansa ke bebadi (gambar mit)

    MIRI: siku nembiak lelaki beumur 18 taun bebadi sepengudah motosikal ke ditepan iya belantak enggau 4WD di Jalan Utama Bintulu-Miri besemak simpang Rumah Panjang Awin Seloi, Bekenu ditu, lemai kemari.

    Ketuai Opis Tasat enggau Penguasa Trafik Sarawak Superintenden Alexson Naga Chabu madah, eksiden nyadi urung jam 4.50 lemai nya ngejungka mansa ke dikelala enggau nama Steven Kelling Damu (gambar mit) penatai ari Rumah Buan Sungai Malang Bakong, bebadi dipalan penusah kenyadi.

    "Asil pansik tumu, 4WD ke ditepan siku lelaki beumur 64 taun nuju ke Simpang Bekenu ari Rumah Johnson dilantak sebuah motosikal ari belakang, dipechayaka laju.

    "Motosikal nya dipechayaka tepawah lalu ngejungka iya ngelantak belakang 4WD nya ke benung di mua jalai iya," ku iya.

    Bangkai tauka tubuh mansa dianjung ke Sepital Miri laban deka bejalaika pengawa bedah tasat enggau kes tu dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: