Siku orang tuai bebadi, dilantak lari ba Kilometer 27, Jalai Kuala Balingian - Kuala Tatau - Berita Iban Online

Header Ads

  • Baru Nyadi

    Siku orang tuai bebadi, dilantak lari ba Kilometer 27, Jalai Kuala Balingian - Kuala Tatau

    KASIH AMAI: Bangkai mansa (orang tuai) ditemu orang mayuh ba Kilometer 27, Jalai Kuala Balingian - Kuala Tatau, urung jam 7:40 pagi, Hari Minggu. 

    MUKAH: Siku orang tuai (warga emas) dikelala enggau nama Bol anak Tani, 78 taun, lelaki, penatai ari Rumah Meling, Sg Seruan mit di Balingian bebadi ketegal dilantak lari.

    Ketuai Opis Tasat enggau Penguasa Polis Trafik Sarawak, Superintenden Alexson Naga Chabu madah, bangkai mansa (orang tuai) ditemu orang mayuh ba Kilometer 27, Jalai Kuala Balingian - Kuala Tatau, urung jam 7:40 pagi, Hari Minggu. 

    Ku iya, asil pansik tumu dipalan penusah nyadi, mansa ke nepan motosikal bansa Honda EX5 ke digaga baru nyadi motosikal tiga roda nya ditemu ba tisi jalai sepiak kiba nuju ke Kuala Balingian. 

    “Bangkai mansa maya ke ditemu udah tengkering. Dipechaya penusah lantak lari nya nyadi kena malam tauka lemai hari enam, 18 August 2018.

    “Motosikal mansa dipechaya dilantak ari belakang laban kemudi motosikal mansa mengalami balat rusak enggau bisi bekau brek entukar berat dipechayaka Lori.” ku iya.

    Bangkai mansa udah dianjung kes Sepital Mukah kena bejalaika pengawa buntastasat.

    Kes dipansik ari baruh Seksyen 41(1) Akta Pengangkutan Jalan 1987.

    “Berindik ari nya, polis minta orang ke bisi penusah tu dikearapka ulih meri penerang ngagai Insp Anselm ba lumur 013-2268447 tauka nuju balai polis kesemak.

    JAKU TANGKAN: Ngarapka orang mayuh ulih bekunsi (share) artikel tu ngambika orang ke ke ngelantak lari nya berasai salah enggau nyerah diri ngagai balai polis.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads