Siku orang tuai munuh diri, enda tan agi ngetatka penyakit ke ditapi iya - Berita Iban Online

Header Ads

  • Baru Nyadi

    Siku orang tuai munuh diri, enda tan agi ngetatka penyakit ke ditapi iya

    Gambar pengias. 📷#Ben'sBizBlog

    RAUB: Nanjah tubuh diri empu ngena minyak binjin (petrol) sebedau nekik ka api tekik enggau nunu diri empu.

    Nya mih pengawa ke digaga siku lelaki (orang tuai) maya iya ngapuska seput ba mua Tepikong Kwan Yin, Sungai Ruan, ditu, kemari.

    Ketuai Polis Pampang Raub, Superintendan Wan Mohd Zahari Wan Busu, madah penusah nyadi urung jam 8.45 pagi, bangkai mansa dikelala enggau nama Ning Poh, 81 taun, ditemu raban polis benung gali ba palan penusah nyadi pengudah nerima kangau ari orang mayuh.

    “Raban polis ngena perengka pemadam api kena madamka api ba tubuh mansa,” ku iya meri penerang ngagai pengarang berita sehari tu tadi.

    Ku iya, raban pemesai perubat ari Sepital Raub datai ba palan penusah nyadi enggau madahka mansa udah midang sebedau bangkai mansa dibai ke Sepital Raub kena bejalaika pengawa silik agi.

    Wan Mohd Zahari madah, asil pansik tumu, mansa midang ketegal lemas nyirupka bau asap sereta betu ba semua tubuh.

    Tandu iya, mansa diau serumah enggau uchu iya. Iya semampai madahka diri deka munuh diri ketegal enda tan agi ngetatka penyakit ke ditapi iya.

    “Polis ngesahka penusah nyadi nadai bekaul enggau kes jamah tauka jenayah. Kes tu diklasifikasi nyadi parai ngenyit,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads