Header Ads

  • Berita Tebaru

    Siku pelajar GiatMARA ditemu lemas maya nginti

    RIP: Mansa ke ditemu lemas di Lubuk Yu, kemari.

    MARAN: Siku pelajar GiatMARA ditemu lemas sepengudah lenyau maya nginti begulai enggau kaban iya ba Lubuk Yu di Sungai Jerik, ditu, kemari.

    Mansa ke dikelala enggau nama Mohammad Azzrin Abdul Rahim, 20 taun, penatai ari Alor Gajah, Melaka ditemu urung jam 8 malam tadi.

    Mansa diripotka lenyau sepengudah terejun ke sungai nya laban deka ngingkaska ginti iya ke tekait ba selepak batu.

    Ketuai Polis Pampang Maran, Deputi Superintenden Norzamri Abd Rahman, madah polis nerima kangau ari orang mayuh urung jam 5.10 lemai madahka bisi orang lemas ba lubuk nya.

    “Berindik ari kangau nya, seraban polis ari Balai Sungai Jerik madah ke Balai Polis Pampang IPD Maran enggau Balai Bomba enggau Penyelamat Jengka.

    “Seraban Polis, lapan iku ari raban bomba enggau beberapa iku peranak menua nya sama bela besaup bejalaika operasyen ngiga enggau nyelamatka mansa.

    “Siku ari peranak menua nya ke nyelam ngiga mansa mujur tetemuka pelajar nya urung jam 8 malam.

    “Pengudah nya, bangkai mansa dibai ke Sepital Jengka kena bejalaika pengawa buntas tasat,” ku iya, sehari tu.

    Norzamri madah, asil pansik tumu, mansa begulai enggau bala bakih iya nginti ba lubuk nya.

    “Tang, mansa terejun ke dalam lubuk nya laban deka ngingkaska ginti iya ke tekait tang tejangal sebedau iya lemas,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: