Header Ads

  • Berita Tebaru

    Suspek kes munuh siku indu di Jalai Tiong Hua direman nyentukka 15 Ogos

    Suspek kes munuh siku indu di sebuah bilik sewa di Jalai Tiong Hua ditu minggu nyin kemari.

    SIBU: Suspek kes munuh siku indu di sebuah bilik sewa di Jalai Tiong Hua ditu minggu nyin kemari direman tauka ditan tujuh hari nyentukka 15 Ogos tu.

    Perintah reman nya dipansutka majistret Saiful Sayoti ngagai suspek, 42, di Wad 15 Sepital Sibu, kemari.

    Ketuai Polis Pampang Sibu ACP Stanley Jonathan Ringgit madah, proses minta ngereman suspek digaga di Sepital Sibu ketegal suspek agi diperubatka enggau silik sepengudah ngirup rachun dikena munuh diri sebedau ditangkap polis di sebuah rumah panjai di Julau, pagi kemari.

    Ku iya, minta pemendar ngereman suspek digaga Ketuai Tasat ASP Sylvarius Gopog, tang suspek bisi ngambi lawyer ari "Yayasan Bantuan Guaman Kebangsaan" (YBGK) Chieng Lee Seng.

    “Suspek diberi pemendar pansut ari wad Hospital Sibu urung jam 4 lemai kemari.

    “Kami pechaya ngetanka suspek ulih nulung ngemutarka kes tu,” ku iya maya ke ditanya lemai kemari.

    Ku iya, suspek udah nya ditan di lokap Balai Polis Sentral dikena mansik kes ari baruh "Seksyen 302 Kanun Keseksaan" ianya munuh enggau ngembuan ati ti jaie.

    Hari empat minggu nyin kemari, Nurnia Azalea Priscilla Edward, 26 taun, ditemu kaban ke sama gawa enggau iya ke ngiga iya, mansa ditemu enda enseput tauka bebadi di bilik sewa urung jam 3 lemai.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: