Header Ads

  • Berita Tebaru

    Suspek munuh Nurnia mujur ditangkap, dipechaya ngirup rachun kena munuh diri

    Suspek mujur ditangkap polis di ketuaika Ketuai Begian Tasat Jenayah Pampang Julau, Inspektor Rafie Jaraie.

    SIBU: Siku lelaki ditangkap polis sehari tu tadi kena mantu nasat kes bekaul munuh siku indu ke gawa perintah di bilik sewa Jalai Tiong Hua, hari empat minggu nyin tadi.

    Nitihka Ketuai CID Menua SAC Denis Leong, polis ari Opis Polis Pampang (IPD) Julau enggau Sibu ngiga mansa nitihka penerang ke diterima, lalu mujur nangkap suspek beumur 42 taun di sebuah rumah panjai di Julau, urung jam 10.40 pagi.

    "Lelaki nya dianjung ke Hospital Sibu ngambika ulih diperubat enggau silik agi sepengudah dipechaya ngirup rachun lalu ngejungka iya tabin," ku iya, sehari tu tadi.

    Dulu ari nya, Ketuai Polis Pampang (KPD) Sibu, ACP Stanley Jonathan Ringgit madah, suspek nya gawa nyadi deriba lori ditangkap sepengudah dipechayaka ngirup rachun di jamban rumah panjai nya.

    Maya abas ngenyit dipejalaika ku iya, raban JSJ bisi tetemuka sebotol lutsinar dipechayaka rachun besemak suspek di dalam jamban rumah nya.

    Pemendar deka ngereman digaga pagila kena mantu nasat kes di baruh genteran "Seksyen 302 Kanun Keseksaan".

    Hari empat minggu nyin kemari,  Nurnia Azalea Priscilla Edward, 26 taun, ditemu kaban ke sama gawa enggau iya, enda enseput tauka bebadi, kaki enggau jari ditanchang urung jam 3 lemai di bilik sewa mansa.

    No comments

    Post Top Ad