Header Ads

  • Berita Tebaru

    Tanah tusur, ampuh di Miri


    MIRI: Sebuah Sekula Primari (Sekolah Rendah) ditutup enggau sebuah rumah panjai ai niki peninggi 1 meter ketegal hujan bangat belabuh ari jam 2 pagi tadi lalu ngejungka ampuh.

    Ketuai Bomba enggau Penyelamat Bomba Miri Law Poh Kiong madahka nitih ripot tumu jam 9 pagi tadi, Sekolah Kebangsaan (SK) Lepong Ajai di pampang Bakong ditutup sepengudah ai pasang raya niki peninggi 1.5 meter enggau Rumah Panjai Lepong Ajai mega ditiki ai ba bilik besai (ruang tamu) sereta dapur.

    “Siti penusah tanah tusur diripotka nyadi di Batu 6 Jalai Miri-Bintulu,” ku iya madahka bala raban pengarang berita sehari tu tadi.

    “Bisi mega ampuh ngenyit ba beberapa kandang perumahan ia ke baruh enggau taman di bandar raya tu napi penusah ampuh bah ,” tandu iya.

    Ku iya, naka kediatu sekeda ari kandang menua ke napi penusah ampuh ngenyit ianya Perumahan Taman Tunku, Kampung Pujut Padang Kerbau enggau Kem PLKN Sungai Rait.

    Iya madahka Raban Bomba enggau Penyelamat diatu benung meresa sereta meratika pengelikun dikandang menua ke baruh. #Bernama

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: