Tiga minit aja, perengka emas RM800,000 lenyau - Berita Iban Online

Header Ads

  • Baru Nyadi

    Tiga minit aja, perengka emas RM800,000 lenyau

    Siti kes ngerumpak nyadi di sebuah kedai emas di palan bebeli barang Endah Parade, Sri Petaling lemai tadi.

    KUALA LUMPUR: Pengelama tiga minit seraban lelaki mujur nabanka perengka emas urung penyampau rega RM800,000 ba siti kes ngerumpak ba sebuah kedai emas di palan bebeli barang Endah Parade, Sri Petaling ditu lemai tadi.

    Kes nyadi urung jam 1.45 lemai nya, lima lelaki ngena tupi kelida kena ngelalaika mua sereta mai pistol enggau tukul besi tama ke kedai emas ba tingkat baruh palan bebelika barang nya.

    Sapit Ketuai Polis Pampang Brickfields, Superintendan Arifai Tarawe madah, lima suspek nya lalu tama ke dalam kedai emas nya sebedau mecahka cermin pengias kena ngambi perengka emas.

    “Penyampau 12 tabak perengka emas ke bemacham bengkah ditabanka enam suspek urung pengelama tiga minit enggau maya nadai orang bebelika perengka emas dalam kedai nya.

    “Sekuriti bisi megai senapang, tang enda berani ngerara laban tiga iku ari lima suspek nujuka pistol ngagai iya,” ku iya maya di kerandau bala pengarang berita sehari tu tadi.

    “Piak polis diatu benung ngiga lima suspek ke ngelaarika diri ngena tiga buah motosikal.

    “Operasyen ngiga sereta nyidi suspek ke bekait enggau kes nya dipejalaika enggau urung penyampau RM800,000 pengerugi pengudah ke dirumpak.

    “Berindik ari nya, kitai minta sebarang orang ke bisi meda penusah tu dikearapka meri penerang ngagai piak polis kena nasat kes tu enggau kes tu dipansikari baruh Seksyen 395 Kanun Keseksaan,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads