Undang-undang natak umur pemadu biak nikah, 18 taun - Berita Iban Online

Header Ads

  • Baru Nyadi

    Undang-undang natak umur pemadu biak nikah, 18 taun

    GAMBAR PENGIAS: Maya pengerami melah pinang Dr.Chris enggau Dr.Denise ba Rantau Kemiding, Kanowit. 📷#JazRandau

    KUALA LUMPUR: Pengawa benung digaga nyemelaka semua undang-undang bekaul di menua tu iya nya deka natak umur pemadu biak nikah iya nya 18 taun, aum Dewan Rakyat dipadah kemari.

    Sapit Menteri Besai Datuk Seri Dr Wan Azizah Wan Ismail madah, atur nya benung dilanggur lalu deka dititihka dikena mutar penanggul dudi hari bekaul isu nikah umur biak ba Malaysia. 

    Menteri Pemansang Orang Indu, Ruang Bilik enggau Raban Bansa nya madah iya deka dipejalaika nengah atur menteri ba Opis Menteri Besai ke nyaga ngemata pekara pengarap enggau undang-undang, Opis Menteri Dalam Nengeri sereta perintah nengeri nyengkaum Sabah enggau Sarawak. 

    Inisiatif tu mungkur undang-undang baka Akta Undang-undang Ruang Bilik Islam (Wilayah-Wilayah Persekutuan) 1984, Enakmen/Ordinan Undang-undang Ruang Bilik Islam di nengeri-nengeri, Akta Ngemaruka Undang-undang (Nikah enggau Sarak) 1976, Enakmen Kort Anak Nengeri 1992 di Sabah enggau mayuh undang-undang adat bansa asal ba  Sarawak, ku iya maya nyaut tanya lisan kemari. 

    Dr Wan Azizah nyaut tanya Maria Chin Abdullah (PH-Petaling Jaya) ke deka nemu nama  undang-undang dikena nyaga anak mit enggau nembiak ari kena tipu tauka nentuka iya bisi hak ba kort di genap nengeri. 

    Dr Wan Azizah madah laban Malaysia ngembuan adat enggau main asal kediri empu nitih bansa enggau pengarap, randau patut diatur begulai enggau bala orang landik sentang anak mit, landik sentang main asal, landik syarie dalam natak tikas umur pemadu biak tu. 

    Naka tu, nengah undang-undang ke diatu bisi Akta Undang- undang Ruang Bilik Islam (Wilayah-Wilayah Persekutuan) 1984 enggau Enakmen/Ordinan Undang-undang Ruang Bilik Islam di nengeri-nengeri diungkupka iya nya peminta nikah agi biak meseti minta pemendar ari akim syarie (ungkup Muslim) enggau kepala menteri (ungkup ukai Muslim). 

    Undang-undang bukai bekaul enggau  Enakmen Kort Anak Nengeri 1992 di Sabah engagu mayuh undang-undang adat bansa, ku iya. 

    Dr Wan Azizah mega bisi basa ngagai nengeri Selangor enggau Sarawak laban udah madah apin lama ke udah pasal netapka tikas umur nikah ngagai minimum 18 taun lalu dikearap iya ulih dititih nengeri bukai. #Bernama

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads