Header Ads

  • Berita Tebaru

    Unit Langit Bomba ngena chara 'water bombing' ngerara tanah kerapa angus di Miri

    Unit Langit Bomba Miri ngena chara manjah ai langit tauka 'water bombing' ngerara api ti nganguska tanah kerapa.

    MIRI: Unit Langit Bomba Miri ngena chara manjah ai langit tauka 'water bombing' ngerara api ti nganguska tanah kerapa ke udah semak enggau kandang Komplek Kebajikan Hamidah Yakub di Permyjaya ditu sehari tu.

    Ketuai Bomba enggau Penyelamat Miri Law Poh Kiong, madahka operasyen udah dipejalaika begulai enggau Unit Langit Bomba Miri ti ngerara api ngena chara 'water bombing, kelimpah bantu ari operasyen ngerara di darat, nguna 1,590 liter ai ke dipanjah unit langit nya ba sekeda kandang endur ke angus nya.

    Raban Bomba ngerara api ari darat.

    "Penusah angus nyadi ba kandang endur ti mungkur pemesai 32 hektar, naka ke diatu api nya empai dipadam ambis tang ulih dijaga laban empai nyerarai ngagai endur bukai," ku iya ditu tadi.

    Law madah, ba jam ke sama asap agi ba endur kandang tanah kerapa ti udah dipadam nguna chara 'water bombing'.

    Komplek Kebajikan Hamidah Yakub diempu Lembaga Kebajikan Anak-anak Yatim Sarawak (Peryatim), endur bala anak patu balu pupu bansa ngenduh di Sarawak ke beumur tujuh ngagai 19 taun. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: