Header Ads

  • Berita Tebaru

    15 iku bebadi nyawa pengudah ngirup ai arak dipechayaka bisi rachun

    Raban Polis bejalaika abas ngenyit ba sebuah kedai runcit pengudah beberapa iku orang diripotka bebadi nyawa dipechaya ngirup arak ke dibeli ba Pasar Bangla Jalan Industri 6 Kampung Baru Sungai Buloh. 📷#ZunnurAlShafiq

    KUALA LUMPUR: Naka jam 5 lemai tadi, 15 orang bebadi nyawa, tang 33 iku agi diperubatka ba sepital ketegal ngirup ai arak (alkohol) bisi rachun malam tadi.

    Ketuai Polis Selangor, Datuk Mazlan Mansor, madah kes nya nyengkaum peranak dipelilih Sungai Buloh, Gombak, Kajang, Klang Selatan enggau Shah Alam.

    "Ba Sungai Buloh, penyampau tubuh 22 iku enggau tujuh ari sida nya diripotka bebadi nya, tang 15 iku agi diperubatka ba sepital.

    "Ba Gombak mega, empat iku diripotka bebadi nyawa enggau siku agi diperubatka, tang ba Kajang bisi 19 iku enggau empat iku diripotka bebadi nyawa enggau 15 iku agi diperubatka ba sepital.

    "Ba Klang Selatan enggau Shah Alam sama bela ngerikodka siku mansa ke benung diperubatka ba sepital," ku iya lebuh dirandau pengarang berita, sehari tu tadi.

    Sebedau nya, Mazlan madahka tujuh iku diripotka bebadi nyawa tang 16 iku ditaban ke sepital ketegal ngirup ai arak ke bisi rachun nya.

    Penusah nyadi diripotka urung jam 7 malam tadi, kesemua mansa balat mutah pengudah dipechayaka ngirup arak tiga bengkah ianya Mandalay Whiskey, King Fisher Beer enggau Grand Royal Whiskey.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: