15 September 2018 - Hari Enam ba Minggu Ke Dua Puluh Tiga Musim Selama - Berita Iban Online

Header Ads

  • Baru Nyadi

    15 September 2018 - Hari Enam ba Minggu Ke Dua Puluh Tiga Musim Selama

    Iya lalu bejaku ngagai murid nya, “Tu indai nuan.” Berengkah ari nya murid nya lalu mai indai Jesus ngagai rumah iya empu.

    15 September 2018 - Hari Enam ba Minggu Ke Dua Puluh Tiga Musim Selama (Memorial of Our Lady of Sorrows)

    Bacha Ke Satu:

    1 Korint 10: 14 - 22

    Nya alai, pangan ke dikerinduka aku, anang nyembah engkeramba.
    Aku bejaku ngagai orang ke pintar.

    Peratika utai ti disebut aku.

    Mangkuk berekat ti diberekatka kitai, kati nya enda nunjukka kitai bekunsi ngirup darah Kristus? Lalu roti ti dipechahka kitai, kati nya enda nunjukka kitai bekunsi makai tubuh Kristus?

    Laban roti endang siti aja, kitai ke mayuh tu endang setubuh, laban semua kitai bela makai roti siti nya aja.

    Peratika orang Israel. Kati orang ke makai piring nya ukai orang ke sama besaup ngereja pengawa ba alta?

    Nama utai ti ku aku? Kati aku ngumbai pemakai ti diberi ngagai engkeramba nya bisi reti, tauka engkeramba empu bisi reti?

    Ukai! Utai ti ku aku nya, piring ti diberi orang ke enda nangika Allah Taala, diberi sida ngagai antu, ukai ngagai Allah Taala. Aku enda nyagi kita besaum enggau antu.

    Kita enda tau ngirup ari mangkuk Tuhan, lalu ngirup mega ari mangkuk antu. Kita enda tau makai ba mija Tuhan, lalu makai mega ba mija antu.

    Tauka kitai endang sengaja nyungkak Tuhan chemburu? Kati kitai kering agi ari Iya?

    Masmur Entara:

    Masmur 116: 12 - 13, 17 - 18

    Saut (peda 17): Aku deka meri ngagai Nuan TUHAN, piring terima kasih.

    Ke Satu
    Nama utai ti tau diberi aku ngagai TUHAN kena malas semua pemanah Iya enggau aku? Aku deka mai piring wain lalu ngangauka nama TUHAN.

    Saut: Aku deka meri ngagai Nuan TUHAN, piring terima kasih.

    Ke Dua
    Aku deka meri ngagai Nuan piring terima kasih lalu ngangauka nama TUHAN. Aku deka mayar semaya aku ngagai TUHAN di mua semua nembiak Iya.

    Saut: Aku deka meri ngagai Nuan TUHAN, piring terima kasih.

    Alleluia

    Alleluia, alleluia
    Beberekat meh nuan, Maria Dara Tuchi
    taja enda mati, nuan bulih mahkota orang kudus di baruh Regang TUHAN.
    Alleluia.

    Bacha Injil:

    John 19: 25 - 27

    Lebuh semua utai nya benung nyadi, indai Jesus, menyadi indai Iya, iya nya Maria bini Klopas, enggau Maria Magdalin bediri semak regang Jesus.

    Lebuh Jesus meda indai Iya, enggau murid ke dikerinduka Iya bediri ngimbai iya, Iya lalu bejaku ngagai indai Iya, “Indu, tu anak nuan.”

    Iya lalu bejaku ngagai murid nya, “Tu indai nuan.” Berengkah ari nya murid nya lalu mai indai Jesus ngagai rumah iya empu.

    Tauka:

    Luke 2: 33 - 35

    Apai indai Jesus lalu balat alit ati ke semua utai ti disebut pasal Iya.

    Udah nya Simeon merekatka sida, lalu bejaku ngagai Maria, indai anak mit nya, “Anak mit tu udah dipilih ngerusak enggau ngelepaska mayuh orang di menua Israel.

    Lalu Iya deka nyadi tanda ti deka disakal orang, ngambika peragam ati mayuh orang dipandangka - lalu ati nuan deka tusah asai ti direjang ngena pedang.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads